Marko 11:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ Rume atin icheeka, chiꞌ etoo hala, ‘Nyaam beyti buure goya iskaluguꞌd!’ iyidahye toro la uurlammaal ikhabine, wihi us yidah saggi icho iyateehiin rummeesti, etaas wahaas a liiyeela.

Marko 11:23 Referans Kwoze

Mattaayo 17:20

Wihi us ilaabe, “A jeenteeti atin Waakh weyti ikakhuufin. Rume atin icheeka, chiꞌ kakhuufnaanki atin Waakh kakhuuftaan buur ka geeddi ilinti geeyi dahar yahe a geeddi atin hala, ‘Inta kaguure intuus iro,’ itadeehiine, ulla irti. Walah atin iubaaꞌdan la mala.”

Yoohana 15:7

Chirri atin goyteey fiddiitaane, yeedeey la goytiin fiddiyo, wihi atin ꞌdoontaan tuumman Aabbaheey a daahtaane, ulla atin siicha.

Mattaayo 21:21

Yeesso wihi us ilaabe, “Rume atin icheeka, chirri atin Waakh kakhuuftaane, uurlammaal la ikhabin, wihi geeyi fiig layeele kalday ma yeessaane, iꞌdaasenyi a geeddi atin hala laka, ‘Nyaam beyti buure goya iskaluguꞌd,’ itadeehiine, iꞌdaas la tateeh.

Yoohana 14:13

Anna walahbaaw atin jeenteti atin keey itahiin u daahteen a atin iyeela, ꞌdee Weeli Waakh Aabbahiis weynaacha.

Luuka 17:6

Wihi us ilaabe, “Chiꞌ kakhuufnaanki atin Waakh kakhuuftaan rucchuleel ka geeddi ilinti geeyi dahar yahe, a geeddi atin geeya inta katoollo, ‘Hiiyyay khabtaayi inta kabukkhe beyti buure goya kasoobah,’ itadeehiine, geey la wihi atin itidaaheen yeelo.”

1 Koriinto 13:2

Chirri an siinti Waakh liiyeyyeedo khabo, chirri an wihi dagsan tuumman gardi, chirri an walah tuumman gardi, chirri an kakhuufnaanki Waakh weyti lakakhuufo khabo an halal laka guuricho, iꞌdaasenyi an enenyet iꞌdoonin, walah an ahe mele.

Mattaayo 14:13

Inkoo Yeesso wihi yitah daage ka, koobanhoo gele, intaas katabe, intoo khaawwan irte. Chirri urur waha daage ka, ilkerengeeto kasoobahe, luhlo ka Yeesso raahe.