Marko 11:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ ꞌDeerka geey fale wihi us iyidah, “Yombuu tuumman etoo kalday laka gurnaan ma kaayaham!” Abattitiis la a daagte.

Marko 11:14 Referans Kwoze

Mattaayo 21:19

Chuꞌus geeyoo fiige jit ꞌdossiis katoollo arge ka ibuje. Iꞌdaasenyi walah us kaꞌhele mele, seeb on menye. ꞌDeerka geey fale, wihi us iyidah, “At ba toro jirtuu tuumman gurnaan deliwwaayta.” Geey chirraas on angage.

Yoohana 15:6

Eti tuummane goyteey ifiddiyin, iꞌdi liikhimeet u a laroga, angaga. Liikhimohi iꞌdaase a lasoosuuna, ꞌdab lakalugꞌda, laguba.

Mattaayo 7:19

Geeyi tuummane gurnaanki haaggan idelin, a lagoocha ꞌdab lakalugꞌda.

Mattaayo 3:10

Toolla laka Waakh iꞌdi eti uroti geeyo hiiyyay khabaani goosso dahan kakhabuu, geeyohi gurnaanki haaggan idelin tuumman a goocha ꞌdab goya iseya.”

Bakkaahit 22:11

Eti khuf yeelo, khuf on a yeelo, ki sohoꞌddarri kijiro la, sohoꞌddarritaas on a kaassohti, eti wihi fissan yeelo la wihi fissan on a yeelo, ki munyee la orey a isohti munya a yitaahe.”

Mattaayo 21:44

Eti tuummane daakka sartiis kakufe, a jejjeba, iꞌdaasenyi chirri daakkaas etoo kasoodihe, etaas a urkaha.”

2 Beetero 2:20

A mehe chirri icho abannaanki Yeesso Kiriistohi Kamureenenye ꞌDoorribeheene abteen ka, wahanyeyyohi harratane sussuujenye enenyet biꞌdirroocho a kasoobahsateene toro la suujoonkaas icho khabte a kahataateene, icho kola jiroti icho jiraan ti oraat laka a kasuuj.

Mattaayo 21:33

“Mammahtoo addan dagansada. Etoo gos lehe geeyohi sabiib gosiis goyaka il gesse a jire. Gos la oot kamarche inti gurnaanki sabiib lakayabti khute. Koondihi deere eti gos yaakhicho fiddiyo laka dise. ꞌDeerka gosiis lakireeste, ulla iloo deer sulhaal kiirte.

Marko 11:13

Foga ka geeyoo fiig layadeehe seeb khabo arge, ibuje, usu gurnaan khabo yeyaa. Chuꞌus geey sooeleele ka, seeb on menye walah us kaꞌhele mele. A mehe maanti geey gurnaan bahcho mee gon.

Marko 11:15

Chirri icho ilkerengeetti weene Yeerusaleem yimaateen ka, Yeesso uranti minki Waakhe buure gele, ꞌdooꞌdi intaas ka walah gatti ichoow ki walah ororicho ba rihnaan sookhabte. Komborohi balballaaddane ꞌdooꞌdi chilimmeti ilassi addan iskadooricho leeyahe ichoow komborohi ꞌdooꞌdi kutukuurrug ororsati ba rerreeche.