Marko 10:48 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁸ ꞌDooꞌdi buure usu leejaakhe, gammadi iyidah. Iꞌdaasenyi geeddi kootteet laka ꞌdirihiis riire, “Ínam Dawuud, uur isoonugleyso!” yidah.

Marko 10:48 Referans Kwoze

Ibiraaniya 5:7

Maanti Yeesso harrata kijire, us riirit ichoow oytim ka Waakkhi omoot karibo wahte. Jeenteti Us roorro ka Waakh afiis ikutin u, Waakh weysihiis a daage.

Luuka 18:39

ꞌDooꞌdi orey raaho usu leejaakhe gammadi iyidah. Iꞌdaasenyi geeddi kootteet laka ꞌdirihiis riire, “Ínam Dawuud, uur isoonugleyso” yidah.

Marko 5:35

Yeesso yeedaas af kakhabaayi, ꞌdooꞌdoo goob Yaayirohi minki weysiit itoollo kayimiyye wihi icho iyidaaheen, “Weel a massate. A iꞌdoh uliba eti ween immarah sina ikawaarissa?”

Mattaayo 20:31

Urur la leejaakhe, “Gammadicha,” iyidah. Iꞌdaasenyi geeddi kootteet laka ꞌdirihiis riireene, “Kamur, Ínam Dawuud, uur nah isoonugleyso,” yidaaheen.

Mattaayo 19:13

ꞌDeerka nyaakhuti rurrucchul Yeesso liikeene, ꞌdee ulla dahano korcha iweesta. Iꞌdaasenyi abatti ꞌdooꞌdi nyaakhut sookhaate leejaakhte.

Efeesso 6:18

Taba kol tuumman saggi Rubeyti Munyee atin iwoytuu weysi ichoow daahti fil tuummane ka Waakh wahda. Iꞌda yeessaani toorribda, toro kol dakkhan garrahsada ꞌdooꞌdi Waakh tuumman Waakh iwaha.

Mattaayo 9:27

Chirra Yeesso intaas kabaho ka, et lamma indo laa usu raahte. Lammache ba riirte, “Ínam Dawuud, uur nah isoonugleyso,” tidah.

Marko 10:13

ꞌDooꞌd la nyaakhuti rurrucchule sookhaata, Yeesso ikeena, ꞌdee ulla dahano korcha iweesta. Iꞌdaasenyi abatti ꞌdooꞌdaas leejaakhte.