Marko 10:41 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴¹ Abattiti addane tomone, chiꞌiche wahaas daagte ka, Yaakoobo ichoow Yoohana kahollowte.

Marko 10:41 Referans Kwoze

Fiiliffi 2:3

ꞌDooꞌdi wihi awtiissa on yowti ommos immarah serey isgeecho iitaahana, iꞌdaasenyi ꞌdooꞌdi isnuglaacho ateeha, ꞌdooꞌdi addan saggi us atin ikakhummanyahe iekkaacha.

Rooma 12:10

Iꞌdi ꞌdooꞌdi uuroo kaldaye u, isꞌdoona, ꞌdooꞌdi addan kol tuumman ꞌdirihiin inkaanyita.

Yaakoobo 4:5

Ommos Chiirnaanneti Waakhe, “Rubeyti Waakh goyteen gesse inaafe leetahe,” elatti a immarah on a?

Luuka 22:24

Iche la toro eti goycho ka eti weyti ween liiekkaacho isleeiriirte.

Mattaayo 20:24

Abattiti addane tomone, chiꞌiche wahaas daagte ka, yeeletaas lammeenye isleedelatte kahollowte.

Marko 10:42

Yeesso isiwahe, wihi us iyidah, “Saggi atin igarattaan u, ꞌdooꞌdi weynaanti ꞌdooꞌdi Waakh igaran liiekkaacho, saggi suujenye ꞌdooꞌd idakhtaane toro ewweenkicho la wihi ꞌdooꞌd yeelo icheeka.

Luuka 22:25

Yeesso la wihi us icho iyidah, “Karnatohi ꞌdooꞌdi Waakh igaran saggi suujenye ꞌdooꞌd idakhtaane, icho la ꞌdooꞌd, ‘Nah a aalassiinna,’ idowaan.