Marko 10:33 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³³ Wihi us iyidah, “Ilkerengeetti Yeerusaleeme iranna, Ínam Aadam la ꞌdube lagoocha kuhaaniyyohi wewween ichoow tagaammeti amurre dahanohicho lagessa. Iche la omoot igoossa, ꞌdooꞌdi Waakh igaran dahanohicho gelissa,

Marko 10:33 Referans Kwoze

Mattaayo 27:2

Hidhideene, khaateene, Bilaatohi gaafanee dahan gesseen.

Marko 8:31

Yeesso ꞌdeerka abattitiis wihi Waakh gooche abinnaan sookhabte. Waha la a saggi Ínam Aadam sinati buure liituso, ewweenki Yaꞌhuud ichoow kuhaaniyyohi wewween ichoow tagaammeti amurre usu iꞌdiiꞌdaane, liiyagiise, chirri maan seyyahe kutte us omoot ikasookaho.

Mattaayo 26:66

Mehe goosseen?” enenyet worsate. Wihi icho ilaabeen, “Omoote imasse.”

Mattaayo 16:21

Uuꞌ maalinkaas, Yeesso abattitiis saggi Waakh igooche us ilkerengeetti weene Yeerusaleeme iirti, ewweenki Yaꞌhuud ichoow kuhaaniyyohi wewween ichoow tagaammeti amurre dahanohicho ka sinati buure liituso, liiyagiise, ibeenki seyyahnaatteet ka omoot liikasookahcho ibabbakkaahiche.

Yaakoobo 5:6

Atin ꞌdooꞌdi fiffissane atin itirrimine uskeel igoosseene toro dubunuunu bakkisseen.

Hilassi Ergaano 20:22

“Toolla la Rubeyti Munyee iche ilkerengeetti weene Yeerusaleem iwoyta, wihi intaas ka iyateeh la ma gardi.

Hilassi Ergaano 13:27

ꞌDooꞌdi ilkerengeetti weene Yeerusaleem ichoow weynaanticho ba Yeesso eti us rumanka yahe ma kasin. Iꞌdaasenyi maanti icho omoot igoocheen, wihi goorat ꞌdooꞌdi Waákh íyeyyeedo chiire, Seeri Lanaso tuumman lasoomo buuhicheen.

Yoohana 19:11

Yeesso wihi us ilaabe, “Waakh on anto kisiiche menye, at anto at ikakhabto mele. Maantaka eti dahanohaah igesse, uskeeli us khabo kaah laka a kuta.”

Yoohana 18:28

Baryo ka ewweenki Yaꞌhuud Yeesso min Kayaafa kakhaate, minki buurenye gaafanahi Roomee geeche. Ewweenki Yaꞌhuud la minki etaas goya ma gelin, iꞌdi tahe ichohi geeddi icho gololi daawti Baasakka iumhan isbiꞌdirroocho ma ꞌdoonaan.

Luuka 23:21

Iꞌdaasenyi urur riire “Massalaaba kakaah! Massalaaba kakaah!” esse.

Luuka 9:22

Toro wihi us iyidah, “Ínam Aadam sinati buurenye latusa, ewweenki Yaꞌhuud ichoow kuhaaniyyohi wewween ichoow tagaammeti amurre usu ꞌdiiꞌdaane, layagiise ibeenki seyyahnaatteet ka omoot lakasookahcha.”

Marko 15:1

Uun il barye, kuhaaniyyohi wewween ichoow ewweenki Yaꞌhuud ichoow tagaammeti amurre ichoow Jaldaabti Weene Yaꞌhuud tuumman wihi icho Yeesso yeelaan goocheen. Yeesso hidhideene, khaateene, dahan Bilaato gesseen.

Marko 14:64

Atin saggi us igafe a daagteen gon! Mehe goosseen?” enenyet worsate. Icho tuumman omoote imasse ayyicheene, omoot igoocheen.

Marko 9:31

a mehe abattitiissa wohoo abchaa. Wihi us iyidah, “Ínam Aadam dowwanoha ka ꞌdube lagoocha, dahanohi enenyet lagessa yagiisiine, chirri maan seyyahe kutte ka omoot kasookaha.”

Marko 9:12

Yeesso wihi us ilaabe, “Rumanka, Eliiya koloo yamiite, walah tuumman iꞌdi icho eheneet toro kayeela. Kamalda bal a iꞌdoh Chiirnaanneti Waakh goya Ínam Aadam bolokkhi buurenye latusa, weyti laꞌdiiꞌda liikachiire?

Yoohana 18:32

Waha a yitaaheene, ꞌdee wihi goorat Yeesso yidahye saggi us isooyamuut miinsan labuuhicha.