Biblia Todo Logo
Bib sou entènèt

- Piblisite -




Marko 10:30 - Wori Haaggane Yeesso Kiriisto Miinsan Ayyinti Husube Waakh Enenyet Igooche

30 jiroti toolla us jiro ka kol kud, iche wahaas us kasootabe ꞌdirihiis ꞌhela. Goob ichoow walaalinyetiis ichoow albehi leedesse, arbo, nyaakhut, ichoow gosas ꞌhela, toro la geedda tuumman sina laka loomhicha. Jiroti yomboot ka la, jiroti jirtuu imassanne ꞌhela.

Gade chapit la Kopi




Marko 10:30
32 Referans Kwoze  

Wihi wahaas kuto, chaꞌan walah tuumman ichoow indigirti buurenye an Yeesso Kiriistohi Kamureeye an abdi isiyeyo, walah tuumman kola jeente Kiriistuu tuum khasaara iekkaacha. Icho uꞌdu iekkaacha ꞌdee Kiriisto ꞌhela,


jiroti toolla us jiro ka wihi ittaawenye wihi us kasootabe kussane ꞌhela, toro la jiroti yomboot ka, jiroti jirtuu imassanne ꞌhela.”


Rubeyoheenyo a bolkhaane iꞌdaasenyi kol dakkhan a hamaana, a miskiino iꞌdaasenyi ꞌdooꞌdi buurenye kamurroonna. Walah weheenyee mele toro la walah tuumman a khabna.


Waakh eti sinayyohi kharaat ka garrahsati a imaala. A mehe inkoo us kajmeyyohaas ka mujjum tolossate, Waakh kalaꞌddi us ꞌdooꞌdi usu ꞌdoono iayyiche iche siicha, kalaꞌdda la a jiroti jirtuu imassan.


Saggi atin igarattaan u, inno ꞌdooꞌdi sinayyo lakawaariche garrahsate ꞌdooꞌdi Waakh imaale iekkaanna. Atin saggi Ayuub igarrahsate ichoow wihi Kamur yomboka iyeele a daagteen. Waakh weyti uur nugulyahe, toro la enenyet a isoonaha.


Wihi an atin kawaanicho ꞌdahabi ꞌdab ka lagube ki rummaat yitah ikagadda, ꞌdee kamurrowa. Gaaddi daddakhane atin gessattaan laka ikagadda, ꞌdee a atin loogoogo lakhaanyoti murukkhiin uus lasoobakkaahin. Ildawahi atin indo kawelweelattaane atin mujjum il agartaan laka ikagadda.


Iꞌdaasenyi jiroti Waakh liijiro a indigirti buure chirri at wihi at khabto kadaragto.


Ergaano Jaldaabti Weene Yaꞌhuud katabte. Weyti hamaadeen a mehe jeenteti icho koo Yeesso iyahiin u sinati lakawaaricho a muꞌdanyahiin.


ꞌDooninti Waakkhi Aabbaheene inno ꞌdoono eenna a buure. Waakh rubeytiis laka nyaakhutiissa inno yadeeh! Rumanka la inno a nyaakhuti Waakh! Maantaka ꞌdooꞌdi harrata ma inno garti, a mehe icho Waakkhi Aabbaheene ma gartaane.


Yeesso Kiriistohi Kamureene rubeytiis ichoow Waakkhi Aabbaheenenye inno ꞌdoone, haaggiiski buurenye inno imunneynan ka armaanjireen tuumman uur inno miigooche toro la khajjeeli haaggan inno siiche ba,


Iꞌdi tahe gunnaanki eti uskeel yeelo laguto, a omoot. Iꞌdaasenyi siinti Waakh iꞌdaanu enenyet siicho, a jiroti jirtuu imassan. Waha la a chirri inno ichoow Yeesso Kiriistohi Kamureene ba wohoo kalday nahe.


Wahaas kalday menye, sinayyohi inno ꞌhello laka a keeylajna. Iꞌdi tahe wihi inno garanni, sina a inno gargaarta, ꞌdee garrahsanna.


Geeddi ibeene il ekka seley kagowe ka, Baawulo ichoow Siila Waakh wahteene, geeyohi Waakh laka dowteen. ꞌDooꞌdi addane hidan la a dagansata on.


Yeesso la minki Waakhe buure goyaka intoo, Gaayim Soolomon layadeeh iche raaha.


Eti Ínam Aadam igafe a geeddi uskeeliis liikakuto. Iꞌdaasenyi eti Rubeyti Munyee igafe, uskeeliis harrata ka ichoow harrati soosohatti ka ma liikakuto.


Iꞌdaasenyi koloo dakhi Waakh ichoow fissanoonki Waakh ꞌdonꞌdoon, ulla wahanyeyyoha dakkhan a ikaasookhayaa.


Sinati atin loomhicho ichoow miskiinkiin a garda. Iꞌdaasenyi atin a kamurre! Saggi ꞌdooꞌdoo Yaꞌhuud isyadeehe toro la Yaꞌhuud ieheynan suujoonki nool atin ikadowo a garda, iꞌdaasenyi icho a minki weysiite Yaꞌhuude Seytaan dakhti.


Waha la a wihi Kiriisto inno iayyiche, a jiroti jirtuu imassanne inno ꞌhello.


Gaasoo la inti harrati haaggan khabto kadiheene, gurnaan deleen. Gaasoo kol kudoo deleene, gaasoo kol tomon lih deleene, gaasoo la kol tomon seyyah deleen.


Ilkerengeetohaas ka abatti uur miigoocheene ꞌdee kakhuufnaanki icho Kiriisto kakhuufaan mujjum khucchaan. Wihi icho iyidaaheen, “Wihi massan, sinayyohi buurenye inno isoobaha dakhi Waakh kagella.”


A mehe sarti lajeycho indigirtoo rucchul on khabta. Iꞌdaasenyi jiroti Waakh kahamaado lajiro, walah tuumman indigire ikhabta. Jiroti toolla ichoow ti soosohatti ka, jiroti Waakh kiayyiche jirta.


Swiv nou:

Piblisite


Piblisite