Marko 10:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ Yeesso jilakh rogte, wihi us abattitiis iyidah, “A ꞌhoossoo geeddohe chiꞌ kamurre dakhi Waakh gesso!”

Marko 10:23 Referans Kwoze

1 Koriinto 1:26

ꞌDooꞌd Kiriistokaaw, maanti Waakh atin wahe ꞌdooꞌdiiyye atin eheet kamalda bal. Mali weeli enenyet ka, buurtiin kharayyo ma eheynane, buurtiin la ꞌdooꞌdi weynaan khabo ma eheynane, buurtiin la goobi magah khabo laka ma kiimaatan.

Yaakoobo 2:5

ꞌDooꞌd Kiriistokaaw, waha daaga bal, Waakh ꞌdooꞌdi harrata ka miskiin liiekkaacho ma soobahsanne, ꞌdee kakhuufnaanki icho Yeesso kakhuufaan ka Waakh icho kamurre ma iekkaanna? Toro la Waakh ꞌdooꞌda ma soobahsanne ꞌdee dakhi Waakhe Waakh ꞌdooꞌdi usu ꞌdoono iayyiche ma muꞌdan a?

Luuka 18:24

Yeesso la et yeye wihi us yidah, “A ꞌhoossoo geeddohe chiꞌ kamurre dakhi Waakh gesso!

Marko 3:5

Yeesso hol ka indo leeraahe toro weyti uur suujowe, matahmiigticho ka. Et, “Dahantaah fiti!” iyidahye, et dahan ficche, dahane toro tuum haagsatte.

2 Beetero 1:11

Iꞌda ka goobi Waakhe jirtuu imassanne Yeesso Kiriistohi Kamureenenye ꞌDoorribeheene dakhti ka weyti atin lasoodowwaacha.

Yaakoobo 4:4

Atinha waakkhassi addan wahattaan, saggi eti wahanyeyyohi harratane sussuuje aal kabahsate Waakh iꞌdiiꞌddanyahe ma garattaan a? Eti wahanyeyyohi harratane sussuuje aal kabahsan goosti chiiytanki Waakhe iskayeela.

Yoohana 3:5

Yeesso wihi us ilaabe, “Rume atin icheeka, et dakhi Waakh gelo mele, sammata bicche ichoow Rubeyti Munyee ka liidelin.

Marko 10:15

Rume atin icheeka, eti dakhi Waakh saggi weeli rucchul ikakhaatan, koloo kalday laka goobi Waakh ma gelo.”

Marko 5:32

Iꞌdaasenyi Yeesso enenyet indo leeraahe, eti ꞌdaare yowte.

Mattaayo 18:3

Wihi us yidah, “Rume atin icheeka, sammata atin iurgiyine, iꞌdi nyaakhuti rurrucchul iitaahan, koloo kalday laka dakhi goobi Waakh ma gessaan.

Marko 10:22

Chuꞌus yeedaas daage ka hamaad waaye. Usuhi fool ribowe nokhte, a mehe hoolahi buurenye khabe.