Marko 10:17 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁷ Chirra Yeesso abattitiis khabaayi bahe ka, etoo sooyiriyye, ortiis ka jilbo il kaguꞌdde, wihi us worsate, “Eti weene haaggan, mehe yeelo ꞌdee jiroti jirtuu imassan ꞌhela?”

Marko 10:17 Referans Kwoze

Rooma 2:7

Waakh eti tuummane garrahsati haag on yeelo, jita ka la Waakkhi usu koolicho, inkaanyit tuso toro la jiroti ituumin siicho yowti, jiroti jirtuu imassanne siicha.

Luuka 10:25

Maantoo etoo tagaanki amurree, usuhi Yeesso kajo ꞌdoona, tolossate, wihi us worsate, “Eti ween, mehe yeelo ꞌdee jiroti jirtuu imassan ꞌhelo?”

Hilassi Ergaano 16:30

ꞌDeerka Baawulo ichoow Siila khar isoobahche, “Era, mehe yeela ꞌdee Waakh iriba?” worsate.

Hilassi Ergaano 2:37

Enenyet uus yeedaas daage, yeed rumanka khaniine, wihi us Beetero ichoow ergaanoti addan worsate, “Yaafeey mehe yeello?”

Hilassi Ergaano 20:32

“Toollaka dahanti Waakh ichoow wori haaggiiski buure miinsane atin gessa. Waakh wora ka atin miigoon a yabuuꞌde, toro la wihi atin muꞌdan ꞌdooꞌdi Waakh munyaache tuumman a leeꞌhessaan.

Hilassi Ergaano 9:6

Toollaka kahe ilkerengeet gele ꞌdee wihi at yeesso a lakicheeko.”

Mattaayo 25:34

“Karnat ꞌdeerka wihi us ꞌdooꞌdi ankiiski miigeet toollo iyadeeh, ‘Kaaleya, atinhi Aabbaheey atin imaale, goobi Waakhe atin liiabbire, uus harra lasoouume atin muꞌdantahiin gela.

Mattaayo 17:14

Chiꞌicho urur iyamiitiin, etoo Yeesso iyimiyye ortiis ka jilbo il kaguꞌdde.

Yoohana 6:40

Iꞌdi tahe wihi Aabbaheey ꞌdoono a mehe ya, a usuhi eti ani iarge toro irummeeste tuumman jiroti jirtuu imassan ꞌhelo. Anna ibeenki ꞌdaꞌddaboot icho tuumman omoot a kasookahcha.”

Yoohana 5:39

Atin Chiirnaanneti Waakh a kamalattaan, kol atin jiroti jirtuu imassan kaꞌhessaane koogtahiinee. Chiirnaannetaas Waakh laka, woraaya kaayyeeda.

Yoohana 3:2

Ulla ibeen Yeesso iyimiyye wihi us iyidah, “Eti ween, saggi at etoo Waakh sooergate enenyet walah abcho itahe a garanna. A mehe wahanyeyyohi miigti Waakh tuso at yeesso, et addane yeelo mele, eti Waakh leejiro on menye.”

Marko 12:14

ꞌDooꞌd Yeesso iyimiyye, wihi us iyidah, “Eti ween, nah saggi at rum ikanokhan a garanna. At et at ibaasso mele, weyneetteey ichoow kuus ka ba. Iꞌdaasenyi jiti Waakhe at enenyet abisso ichoow runti Waakh a israahaan. Kaaysarhi weene kooddi liiguto a mujjum a bal mujjum mee?

Marko 9:25

Yeesso chuꞌus ururi intaas isooryo arge ka, ginna leejaakhe, “Ginnata ínam yeed ichoow dogo tirto, amure kibahchaa, toolla kofche inankaas goya kabahe, jirtuu la iinokhan!” iyidah.

Marko 1:40

Saahka etoo buꞌdatoo uskul sar kasoofoofte Yeesso iyimiy. Ortiis ka jilbo il kaguꞌdde, hawwaaste, wihi us yidah, “Chirri at ꞌdoonto, at biꞌdir ibihin a tabuuꞌd.”

Mattaayo 28:8

ꞌDeerka oboorri usuhi roorro khabo iꞌdaasenyi hamaado goꞌd kabahe, oryeen abattitiissa icheekaanee.

1 Yoohana 2:25

Waha la a wihi Kiriisto inno iayyiche, a jiroti jirtuu imassanne inno ꞌhello.

Rooma 6:23

Iꞌdi tahe gunnaanki eti uskeel yeelo laguto, a omoot. Iꞌdaasenyi siinti Waakh iꞌdaanu enenyet siicho, a jiroti jirtuu imassan. Waha la a chirri inno ichoow Yeesso Kiriistohi Kamureene ba wohoo kalday nahe.

Marko 10:18

Yeesso wihi us ilaabe, “At a iꞌdoh ani, ‘Eti haaggan,’ ikawahta? Etoo kaldaye haaggan laka ma jiro Waakh on menye.

Efeesso 1:18

Wihi addane an Waakh daaho, a malassiinki lafuro ꞌdee walah seyyah abattaan. Khajjeeli us atin iwahe abattaane, buurti kamurroonka noole atinhi ꞌdooꞌdi Waakhe atin muꞌdan abattaane,

Tiito 3:7

Haaggi Waakhe buurenye inno imunneynan ka, ꞌdooꞌdi fiffissan a inno iekkaache. Waakh waha dakkhane yeele ꞌdee ꞌdooꞌdi jiroti jirtuu imassanne inno khajjeello dalho nateeh.

Ibiraaniya 1:14

Herti Waakh a meheey? Icho a rubeyohi Waakh ergati, ꞌdooꞌdi ribnaanki Waakh muꞌdan ihilo menya?

1 Beetero 1:4

Toro la jirota husub ka Waakh wihi inno muꞌdane jirtuu ituumine, eloo rucchul laka ikhabine, iraagin goobi Waakh ka meel a inno igessa.