Marko 10:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ Chiꞌ Yeesso waha arge ka hollowe wihi us abatti iyidah, “Nyaakhuti rurrucchul ajeyinna ꞌdiicha ani a iyimaatee, a mehe dakhi Waakh a ki ꞌdooꞌdi iꞌdee.

Marko 10:14 Referans Kwoze

Mattaayo 19:14

Yeesso la wihi us abatti iyidah, “Nyaakhuti rurrucchul ajeyinna ꞌdiicha ani a iyimaatee, a mehe dakhi goobi Waakh a ki ꞌdooꞌdi iꞌdee.”

Mattaayo 18:10

Taba nyaakhuti rurrucchul aꞌdarraawina. Iꞌdi tahe wihi an atin iadeeh, herti Waakhe goobi Waakh ka icho yuubisso kol dakkhan goobi Waakh ka fool Aabbaheey a agarta.

Mattaayo 18:4

Maantaka eti tuummane iꞌdi weeluu isnuglaache, dakhi goobi Waakh ka weyti weenyahe.

1 Beetero 2:2

Iꞌdi nyaakhuti rurrucchule dessuu, taba atin laka Wori Haaggan iꞌdi haanuut u iamuuma, ꞌdee ribnaankiin ka weynaada.

2 Timooti 3:15

toro la saggi uus at weel keeheet Chiirnaanneti munyee lakaabche a garatta. Chiirnaanneta la kikharaan a tabuuꞌde, ꞌdee ribnaan kiwoyta. Ribnaanka la kakhuufnaanki Yeesso Kiriisto lakakhuufo iche lakeela.

Bakkaahit 14:5

Icho la injire been ma goonne, wohoo rucchul laka ma lakacheekan.

2 Timooti 1:5

An saggi at kakhuufnaanki rummaate Kiriisto lakakhuufo ikhabto a kasooꞌhela, iꞌdi goorat inkookotaahti Looyis layadeeh ichoow abartaahti Yuunis layadeeh ijireen u. Anna a tissiba at laka a iꞌdichooda.

Efeesso 4:26

“Holi atin khabtaan ka uskeel agelina.” Hol khabtaani orrah iiche dihin.

1 Koriinto 14:20

ꞌDooꞌd Kiriistokaaw, saggi nyaakhut iimalanna. Iꞌdaasenyi anki uskeeli layeelo ka, iꞌdi nyaakhuti rurrucchul ateeha, mali atin malattaan ka la, ꞌdooꞌdi wewweynaate ateeha.

1 Koriinto 7:14

Iꞌdi tahe makhaabalicheki Kiriisto irummeysan jeentetichuu Waakh a munyaache. Makhaabassi Kiriisto irummeysan, jeenteti makhaabali Kiriisto rummeestuu Waakh iche a munyaache. Chirri iche iꞌdaas ieheynan la, nyaakhutiin ki ꞌdooꞌd Kiriisto mee. Iꞌdaasenyi saggi iche ijirtuu, nyaakhutiin Waakh a munyaache.

Rooma 11:28

Jeenteti ꞌdooꞌdi Issiraayel Wori Haaggan iꞌdiiꞌduu, icho a chiiyti Waakh. Wahaas la atinhi ꞌdooꞌdi ilassi addan a atin irooyyahiin. Iꞌdaasenyi jeenteti Waakh ꞌdooꞌdi Issiraayel isoobahsatuu, Waakh weyti icho ꞌdoona. Waha la a jeenteti ayyinti us aacchinyeticho iayyiche.

Rooma 11:16

Chirri goonanki oraate makaate Waakh liibahche munya yahe, makaatetaas tuumman a munya gon. Toro la chirri hiiyyassi geey munya yahiin, liikhimohi geeyaas a munya gon.

Hilassi Ergaano 3:25

Atin a yeeleti ꞌdooꞌdi Waákh íyeyyeedo toro a yeeleti ayyinti Waakh aacchinyetiin igooche muꞌdan. Waakh Aburaaham mehe iyidah ya, ‘Hiiyyaah ka, ꞌdooꞌdi harra tuumman a imaala.’

Hilassi Ergaano 2:39

Ayyintaas atin ichoow nyaakhutiin ichoow enenyeti fogaat ichoow ebbaaw addane Kamuri Waakkheene soowahti iche miinsantahe.”

Marko 8:33

Iꞌdaasenyi Yeesso urgiye abattitiis yeye, Beetero leejaakhe wihi us iyidah, “Seytaankaane fooleey buj! At wahanyeyyohi Waakh menye, iꞌdaasenyi wahanyeyyohi weeli enenyete kamalatta.”

Marko 3:5

Yeesso hol ka indo leeraahe toro weyti uur suujowe, matahmiigticho ka. Et, “Dahantaah fiti!” iyidahye, et dahan ficche, dahane toro tuum haagsatte.

Mattaayo 5:3

“ꞌDooꞌdi Waakh imaalo a ki wahanyeyyohi Waakh ka miskiine, a mehe dakhi goobi Waakh a kichooda.

Mattaayo 5:10

ꞌDooꞌdi Waakh imaalo, a ki jeenteti icho ifissanyahiin u sina loomhicho, dakhi goobi Waakh a kichoodaa.

Yoohana 3:3

Yeesso la wihi us ilaabe, “Rume kisoocheeka, et dakhi Waakh argo mele sammata koli lammaatteet liidelin.”

Yoohana 3:5

Yeesso wihi us ilaabe, “Rume atin icheeka, et dakhi Waakh gelo mele, sammata bicche ichoow Rubeyti Munyee ka liidelin.