Marko 1:44 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁴ “Etoo kalday laka jit ka aleeyeedine, iꞌdaasenyi kuhaani iiro saggi at isamaatte istus. Sadakhati amurre Muusa kachiirane eti buꞌda lakabahche bahcho bihiche, ꞌdee garti saggi lakisamaache a titaahe.”

Marko 1:44 Referans Kwoze

Luuka 17:14

Inkoo us icho arge ka, wihi us iyidah, “Nyaama kuhaaniyyo iirda istusa.” Sohtaani icho dakkhamba samaateen.

Mattaayo 8:4

Yeesso ꞌdeerka wihi us iyidah, “Etoo kalday laka jit ka aleeyeedine, iꞌdaasenyi kuhaani iiro, saggi at isamaatte istus. Sadakhati amurre Muusa kachiirane eti buꞌda lakabahche bahcho bihiche, ꞌdee garti saggi lakisamaache a titaahe.”

1 Koriinto 10:11

Waha tuumman yaafohi Issiraayel a kayitaaheene, ꞌdee iyookko inno iyateehiin. A lachiire ꞌdee innohi ibeenki harra ꞌdubiche soodowwaate jirro inno tootoochaan.

Rooma 15:4

Wihi dakkhane goorat Chiirnaanneti Waakh goya lakachiire walahe inno abchaane, ꞌdee Chiirnaannetaas ka garrahsi ꞌhella, uur inno miigowa, toro la khajjeel khabna.

Luuka 5:14

Yeesso la amur ibahche wihi us iyidah, “Etoo kalday laka jit ka aleeyeedine, iꞌdaasenyi kuhaani iiro saggi at isamaatte istus. Sadakhati amurre Muusa kachiirane eti buꞌda lakabahche bahcho bihiche, ꞌdee garti saggi lakisamaache a titaahe.”

Marko 1:43

Yeesso chirraas on et erge, weyti tootooche wihi us iyidah,

Hilassi Ergaano 23:22

Eti iskar tuumman itoollo eti nugul ꞌdiiche toro leefarme wihi us iyidah, “Saggi at waha ikasoocheekte, etoo kalday laka iicheekin.”