Marko 1:37 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁷ Chirri icho ꞌheleen ka, wihi icho iyidaaheen, “Enenyet tuumman ati kiyowta.”

Marko 1:37 Referans Kwoze

Yoohana 12:19

Farissaayo ꞌdeerka wihi iche isitidah, “Ma agartaan a, wihi inno yeelin leheet ma yeelloo! ꞌDooꞌd tuumman usu raaha!”

Yoohana 11:48

Chirri inno usu ꞌdiinne us sagga isossohti, ꞌdooꞌd tuumman usu a rummeesta. ꞌDeerka ꞌdooꞌdi wewweene ili Rooma yamiite, minkeenki Waakhe buure ichoow yaafteen tuummamba baabiichaan.”

Yoohana 3:26

Yoohana iyimaateene, wihi icho iyidaaheen, “Eti weenoow, eti goorat hawti Yoordane ꞌdusso ꞌdirihiche ka kileejire, at woriis kayeyyeedde kalla. Yey, enenyet tuumman la usu iirta, ulla baattissiya.”

Marko 1:5

Enenyet boroofenhi Yaꞌhuudiya tuumman ichoow ilkerengeetti weene Yeerusaleem tuumman ka soobahe, Yoohana iyimiy. Eti tuummane uskeeliis Waakh icheekte la, Yoohana hawti Yoordane ꞌdusso ka baattissiye.

Marko 1:36

Siimon ichoow wahalhiis ba irteene, usu yowteen.

Marko 1:38

Yeesso wihi us ilaabe, “Kaaleya, intoo addan a iranni, iꞌdi maanta ilkerengeetohi soodow a iranni, ꞌdee Yeedi Waakh a cheeko. An alah wahaase iimiy.”