Marko 1:27 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁷ Enenyet tuumman girmeeste. “Waha iꞌdee a mehe?” isworsate. “A yeedi husube, toro anto khabo! Ginnayyo laka amur on ibahcha, icho la yeediis raahaan.”

Marko 1:27 Referans Kwoze

Luuka 9:1

Yeesso chirri us ergaanotiisti tomon ichoow lammee isiwahe ka, miig ichoow antohi icho ginnayyo tuumman kabahchaane toro icho sugeerre kasamaachaan siiche.

Marko 7:37

ꞌDooꞌd weyti girmeeste, mehe essaan ya, “Wihi us yeele tuumman weyti haagganyihiin. Dogowaayyo ichoow afwaayyo laka a haaggicha!”

Mattaayo 15:31

ꞌDooꞌd chuꞌus ꞌdooꞌdi af laaye yeyyeedo ichoow ki elyeenye sohti ichoow ki maꞌdayyeenye samaate ichoow ki indo laaye il argo arge ka weyti girmeeste Waakkhi Issiraayel saaꞌdeen.

Mattaayo 9:33

Chirri Yeesso et ginna kabahche ka, eti kootte yeyyeedin iubaaꞌdan yeyyeede, ꞌdooꞌd la weyti girmeeste, “Nah injire wihi iꞌdee ili Issiraayel goyaka ma argin,” yidah.

Luuka 4:36

ꞌDooꞌd tuumman girmeeste wihi us isiyidah, “Ayta weyti a girma. A yeedi anto ichoow miig khabo, a mehe ginnayyo amur on ibahcha, icho la soobahaan.”

Marko 10:32

Yeesso oreye kasohta, abatti la ꞌdubiis sooraahta, ilkerengeetti weene Yeerusaleeme ikoraan. Abatti girmeysatte, ꞌdooꞌdi sooraaho la roorro khaba. Yeesso abattitiisti tomon ichoow lammee ꞌdol iwahe, wihi usu dowwanoha ka layeelo icheeke.

Marko 10:24

Abattitiis weyti girmeysatte. Iꞌdaasenyi Yeesso wihi us yidah, “ꞌDooꞌdaaw, a ꞌhoossoo geeddohe chiꞌ dakhi Waakh lagelo!

Mattaayo 8:9

Iꞌdi tahe ani rubeyteey laka a etoo iskarti addane ikawewween antohicho raaho, toro la iskarti addane an andi laka a jirta. Chirri an koo, ‘Kaale,’ iidah a yamiit. Chirri an koo, ‘Nyaam iro,’ iidah la a irta. Chirri an ilbooyeey, ‘Waha yeel,’ iidah la a yeela.”

Marko 1:26

Ginnataas chirraakka etaas kafadisse, riirte, et kasoobahte.

Marko 1:28

Wori usu miinsan dowwa on boroofenhi Gaalilaaya tuumman kataaꞌhe.

Marko 16:5

Chiꞌicho goꞌd geleen ka, eti nugule anki miigeet fiddiyo darfohi daddakhan khabo argeene, naheen.

Marko 16:6

Ulla wihi us iyidah, “Anahina! Yeessohi Naasarete goorat massalaaba lakakaahe iche yowattaan. Omoot a kasookahe, inta ma kijiro! Meessi icho kareecheen yeya.

Hilassi Ergaano 17:19

Baawulo khaateene, kurteti Ariyobaag ka jaldaabti tossatti igeecheen. Wihi iche tidah, “Waha husube at ꞌdooꞌd abisso iche aban ꞌdoonna.