Marko 1:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Yeesso ichoow abattitiis ilkerengeetti Kafarnaaꞌhum irteen. Saahka Seeri Lanaso ka, Yeesso minki weysiite Yaꞌhuud gele, enenyet wori Waakh abin sookhabte.

Marko 1:21 Referans Kwoze

Marko 6:2

Seeri Lanaso ka, minki weysiite Yaꞌhuud ka enenyet Yeedi Waakh abin sookhabte, enenyeti buurenye usu daage weyti girmeeste. Wihi icho worsateen, “Us eta waha tuumman inta us kaabte a intoh? Kharata deeddeenye lasiiche a toh? Saggoh waha weeli enenyet yeelin iubaaꞌdan iyabuuꞌd?

Marko 1:39

ꞌDeerka boroofenhi Gaalilaaya tuumman goya kasohte, Yeedi Waakh minassichoki weysiite Yaꞌhuud ka cheeke, ꞌdooꞌdi ginnayyo dakhtaan la ginnayyo kabahche.

Mattaayo 4:23

Yeesso boroofenhi Gaalilaaya tuumman goya tabe, minassichoki weysiite Yaꞌhuud ka Wori Haaggane dakhi Waakh miinsan cheeke, ꞌdooꞌdi khakkhannane khannaattetiis fil dakkhan tahe laka samaache.

Hilassi Ergaano 17:2

Baawulo la iꞌdi orran us yeeluu irte, minki weysiit irte. Intaas ka teeba seyyah issoorahto Seeri Lanaso tuummamba leejire, wihi Chiirnaanneti Waakh tadeeh idowdowe,

Hilassi Ergaano 18:4

Seeri Lanaso tuumman la minki weysiite Yaꞌhuude irte ꞌdooꞌdi Yaꞌhuud ichoow ꞌdooꞌdi Yaꞌhuud ieheynan, wori Waakh icheeke anki Waakh isoojiite.

Mattaayo 4:13

Ilkerengeetti Naasaret katabe, ilkerengeetti Kafarnaaꞌhume beyti Gaalilaaya aficheenye ili yaaf Seebulon ichoow Naaftalee irte furte.

Luuka 13:10

Yeesso maantoo Seeri Lanaso ka minkoo weysiite Yaꞌhuude ꞌdooꞌd wori Waakh kaabcha.

Luuka 10:15

Atinhi ilkerengeetti Kafarnaaꞌhum taalliin la, kol serey atin liiokkhicho koogtahiin? Mele, meessi ꞌdooꞌdi tuume kijiro iche ikhubattaan!”

Luuka 4:16

Yeesso ilkerengeetti Naasarete lakasooweynaache inokhte. Seeri Lanaso ka iꞌdi orrangateet u minki weysiite Yaꞌhuud irte. Ulla tolossate Yeedi Waakhe ꞌdooꞌd isoomaa.

Marko 10:1

Yeesso ꞌdeerka intaas kakahe, anki boroofenhi Yaꞌhuudiya ichoow hawti Yoordane ꞌdusso berihiche irte. Urur toro isootabe, ulla iꞌdiiski orrankateet u wahanyeyyohi Waakh abche.

Marko 2:1

Inkoo ibeennetoo kutte, Yeesso ilkerengeetohi Kafarnaaꞌhum isoonokhte. ꞌDooꞌd saggi us goob iyimiy daage.

Marko 1:20

Chirraas on lammache wahe, iche la aabbahiche ichoow ꞌdooꞌdi lakireeste kooban goya katabte Yeesso raahte.

Marko 1:29

Uun icho minki weysiit kabaheen, Yaakoobo ichoow Yoohana khabaayi, irteene ichoowka min is Andereeya ichoow Siimon geleen.

Marko 1:33

Ilkerengeet tuumman soobahte, min afiis buuhisse.

Marko 3:1

Yeesso toro minki weysiite Yaꞌhuud gele. Etoo dahane hanjaawte la intaas a kijire.

Luuka 4:23

Yeesso la wihi us ꞌdooꞌd ilaabe, “Rumanka mammahta a isoocheektaan, ‘Ilkitarri issamaay! Wihi weeli enenyet yeelin iubaaꞌdane nah daagne at ilkerengeetti Kafarnaaꞌhum ka yeesse, ilkerengeettiin ka yeel.’ ”