Marko 1:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Wihi Isaayahi Waákh íyeyyeedo chiire kallaayo, “Yeya, ergattiteey ortaahha erga iche rubeyohi enenyete tannabissa.

Marko 1:2 Referans Kwoze

Luuka 1:76

Inankaaw, at la eti Waákkhi Weyti Ween íyeyyeedo lakiyadeeh. At la Kamur ortiissa sohatta jit iharta,

Mattaayo 11:10

Eti woriis lachiire a kan. “ ‘Yeya, ergattiteey ortaahha erga, iche rubeyohi enenyete tannabissa.’ ”

Luuka 1:70

Iꞌdi goorat us ꞌdooꞌdiiski munyayyeenye Waákh íyeyyeedo ka cheekuu,

Mattaayo 26:31

Yeesso wihi us abatti iyidah, “Ibeenka goya rubeytiis, atin tuumman jeenteti wihi liiyeeluu, a ikafiriddaan, a mehe wihi chiiran, “ ‘An ersime guꞌdda, woyhi iiyyaat la seley baaba.’

Luuka 18:31

Yeesso abattitiisti tomon ichoow lammee ꞌdol iwahe wihi us iyidah, “Ilkerengeetti weene Yeerusaleeme ikorra ꞌdee wihi goorat ꞌdooꞌdi Waákh íyeyyeedo chiire Ínam Aadam miinsan tuumman labuuhicha.

Mattaayo 26:24

Ínam Aadam iꞌdi usu miinsane lachiiruu, a yamuut. Iꞌdaasenyi eti Ínam Aadam ꞌdub goocho, sinati sugto eenna a buure! Usuhi goorat idelanne deefta.”

Mattaayo 2:5

Icho la wihi icho ilaabeen, “Ilkerengeetti Beꞌdeleheeme boroofenhi Yaꞌhuudiya kijirto iche lakadela. Iꞌdi tahe waha a wihi goorat etoo Waákh íyeyyeedo chiire.