Marko 1:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ Yeesso iꞌdaaru marah on orey isohte, Yaakoobohi inam Sebedaayee ichoow walaaliiski Yoohana layadeeh ichehi kooban goya fiddiito, oroohti bahag lakakhabti haagsatti arge.

Marko 1:19 Referans Kwoze

Hilassi Ergaano 12:2

Yaakoobohi walaal Yoohanee birlabe lakayigis.

Hilassi Ergaano 1:13

Chiꞌicho sooeleeleen ka, inti minki saraate iche maanassaas fiddiito ikorte. Ichehi intaas fiddiito a Beetero ichoow Yoohana ichoow Yaakoobo ichoow Andereeya ichoow Fiilif ichoow Toomas ichoow Barꞌdolomaayo ichoow Mattaayo ichoow inam Alfaayoki Yaakoobo layadeeh ichoow Siimonhi Yaaftiisꞌdoone layadeeh ichoow inam Yaakooboki Yuuda layadeeh.

Marko 14:33

Beetero ichoow Yaakoobo ichoow Yoohana khaatte. Sohtaayi, uur goya iooye, mali uskul gele.

Marko 10:35

Chirraakka yeele Sebedaayoti Yaakoobo ichoow Yoohana layadeeh, Yeesso itimiyye, “Eti ween! Atihi walahbaaw nah kidaahne ka nah iyeesso ꞌdoonna,” itidah.

Marko 9:2

Inkoo ibeen lihe kutte ka, Yeesso Beetero ichoow Yaakoobo ichoow Yoohana khaatte, woye, haloo deer koreen, ichohaas on. ꞌDeyꞌdoossaayi Yeesso luurgiyiche.

Marko 5:37

Beetero ichoow Yaakoobo ichoow walaal Yaakoobohi Yoohana layadeehe us khaatte on menye, ꞌdooꞌdi addan tuumman et us khaatte mele.

Marko 3:17

Yaakoobohi inam Sebedaayee ichoow walaaliiski Yoohana layadeeh. Icho la magahi us ibahche a Bowwanerge. Iꞌdaakka la mehe leessa ya, “Yeeleti Karkaraho.”

Mattaayo 4:21

Toro orey isohte yeeletoo addane lammeenye isleedelatte too Sebedaayee arge. Iche la a Yaakoobo ichoow Yoohana. Lammache aabbahiche khabtaayi kooban goya fiddiita, oroohti bahag lakakhabti haagsatta. Yeesso yeele lammache wahe.

Marko 1:18

Chirraas on oroohti kootte iche bahag kakhabatti ꞌdiisse, Yeesso raahte.

Marko 1:20

Chirraas on lammache wahe, iche la aabbahiche ichoow ꞌdooꞌdi lakireeste kooban goya katabte Yeesso raahte.

Yoohana 21:2

Abatti Yeessoti isleejirte a Siimonhi Beetero layadeeh ichoow Toomashi magahiiski addan Manꞌdáan layadeeh ichoow Naꞌdaanayelhi boroofenhi Gaalilaaya ka ilkerengeetti Kaana kayimiy ichoow yeele Sebedaayo ichoow abattitoo addane lammee.