Marko 1:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Hooyoo serey kasooyeede, wihi us yidah, “Ati a Weeleeyki an weyti ꞌdoono, weyti ikahamaadicho.”

Marko 1:11 Referans Kwoze

Marko 9:7

Mirisoo soobahe icho tuumman ankube. Hooyoo la mirisaas goyaka sooyeede, “Waha a Weeleeyki an weyti ꞌdoono. Usu nabah isuda!” yidah.

Mattaayo 3:17

Hooyoo la serey kasooyeede, wihi us yidah, “Waha a Weeleeyki an weyti ꞌdoono, weyti ikahamaadicho.”

Kolossaay 1:13

Iꞌdi tahe us miigti mugꞌdi a inno kasoofure, dakhi weeliiski us ꞌdoono goya inno keene.

Rooma 1:4

Waakh maanti us Rubeyti Munyee ka Yeesso Kiriisto omoot kasookahche, jiti miige ka saggi rumanka Yeesso Kiriistohi Kamureene Weeli Waakh iyahe a tuse.

Yoohana 3:16

Iꞌdi tahe Waakh weeli enenyet tuumman weyti ꞌdoone, ꞌdeerka weeliiski kalday soodiibe, ꞌdee eti tuummane Weeli Waakh rummeeste ma yamuute, iꞌdaasenyi jiroti jirtuu imassan ꞌhela.

Yoohana 5:37

Aabbaheeyki ani isooerge laka, wihi tuummane ani imiinsan a cheeke. Atin injire hooyiis ma daagine, ommolla injire fooliis ma argine,

Yoohana 1:34

An waha a arge, saggi rumanka us Weeli Waakh iyahe, a cheeka.”

Luuka 9:35

Hooyoo la mirisaas goyaka sooyeede wihi us yidah, “Waha a Weeleeyki an soobahsade, usu nabah isuda!”

Mattaayo 17:5

Yeyyeedaayi, mirisoo dakhane torrogoot icho ankube, hooyoo la miris goyaka sooyeede, “Waha a Weeleeyki an weyti ꞌdoono, an weyti kahamaado. Usu nabah isuda!” yidah.

Yoohana 6:69

Toolla la nah saggi at Ki Munyeenye Waakh kayimiy itahe a rummeysanna toro la a garanna.”

Mattaayo 12:18

“Falfateeyti an soobahsade talla. A eti an weyti ꞌdoono, toro la an kahamaado. Anihi Waakhe la Rubeyti Munyee rubeytiis goya a buuhicha, ulla saggi us yaafo jiti fissan ka ihukkumo icheeka.

Marko 1:10

Chirra Yeesso bicche goya kasoobaho, sereyti kharradde Rubeyti Munyee la iꞌdi kutukuurrug u isooyagto arge.

Luuka 3:22

Rubeyti Munyee la iꞌdi kutukuurrug u serey ka isooyagte. Hooyoo la serey kasooyeede wihi us yidah, “Ati a Weeleeyki an weyti ꞌdoono, weyti ikahamaadicho.”