Marko 1:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Waha a uumacchoti Wori Haaggane, Yeesso Kiriistohi Weeli Waakhe miinsan.

Marko 1:1 Referans Kwoze

Yoohana 20:31

Iꞌdaasenyi waha a lachiire, ꞌdee saggi Yeesso rumanka Ki Lasubhe iyahe, us Weeli Waakh iyahe, rummeysattaan. Kakhuufnaanki atin usu kakhuuftaan ka la jiroti jirtuu imassanne khabtaan.

Mattaayo 17:5

Yeyyeedaayi, mirisoo dakhane torrogoot icho ankube, hooyoo la miris goyaka sooyeede, “Waha a Weeleeyki an weyti ꞌdoono, an weyti kahamaado. Usu nabah isuda!” yidah.

Mattaayo 4:3

Seytaanki ꞌDookkaje layadeeh la iyimiyye, iiyeyye, “Chirri at Weeli Waakh tahe, dagahta leeyeede makaate a titaahe.”

Mattaayo 14:33

Abattiti kooban goya kijirte la jilbo il kaguꞌdubte, Yeesso wahatte, “Rumanka ati Weeli Waakhe,” tidah.

Mattaayo 3:17

Hooyoo la serey kasooyeede, wihi us yidah, “Waha a Weeleeyki an weyti ꞌdoono, weyti ikahamaadicho.”

Rooma 8:3

Wihi amurre Muusa yeelin iubaaꞌdan jeenteti wihi uurasseen goya kijiro uskeel imoono ꞌdarsicheen u, Waakh a yeele. Waakh weeliiski kaldaye sooerge, soorriyoti uskeel yitah. Weeliiska la iꞌdi weeli enenyet u sarti weeli enenyete uskeel lehe khabe. Waakh ꞌdeerka uskeeli weeli enenyet sartiis kijiro hukkume sina igooche,

Yoohana 1:14

Ki magahiis Yeed layadeeh weeli enenyet yitahye, harrata ka goyteen furte. Inno la weynaantiisti weyti haaggan a agarre, weynaanti weeli keleyenye Waakh. Ulla usuhi haaggi Waakhe buure ichoow rume buuhaane Aabbaheen kayimiy.

Yoohana 6:69

Toolla la nah saggi at Ki Munyeenye Waakh kayimiy itahe a rummeysanna toro la a garanna.”

Yoohana 3:16

Iꞌdi tahe Waakh weeli enenyet tuumman weyti ꞌdoone, ꞌdeerka weeliiski kalday soodiibe, ꞌdee eti tuummane Weeli Waakh rummeeste ma yamuute, iꞌdaasenyi jiroti jirtuu imassan ꞌhela.

Yoohana 1:49

Naꞌdaanayel wihi us yidah, “Eti weenoow! Ati Weeli Waakhe. Ati a karnati Issiraayel.”

Yoohana 1:34

An waha a arge, saggi rumanka us Weeli Waakh iyahe, a cheeka.”

Luuka 1:35

Herti Waakh wihi iche ilaabte, “Rubeyti Munyee a kisooyagta, miigti Waakkhi Weyti Ween iꞌdi oosimeet u koogoogta. ꞌDeerka weela munyeenye dessi Weeli Waakhe layadeeh.

Rooma 8:32

Waakh Weeliis laka ma inno karimmanne, soorriyoteenna yitah! Waakh Weeliis a inno siiche. Maantaka haaggiiski buure ka walah tuumman usu a inno leesiicha.

Hilassi Ergaano 1:22

Eti uus maanti Yoohana enenyet baattissiyo sookhabte ichoowka maanti Yeesso nah lakakhaate serey lageeche nah leejire a eheetti. A mehe a nah isookhaya ꞌdee garti saggi Yeesso omoot liikasookahche nah leecheeka.”

Hilassi Ergaano 13:24

Geeddi Yeesso hiliis isookhaban, Yoohanahi Enenyet Baattissiyo iche yaafohi Issiraayel tuumman Yeedi Waakh icheeke, icho uskeeliin kasoonokhda toro a atin labaattissiyo iche idowe.