Luuka 9:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Ergaano ꞌdeerka kolba gooboo iratte Wori Haaggan cheekte, ꞌdooꞌdi khakkhannan laka meelal tuumman ka samaasse.

Luuka 9:6 Referans Kwoze

Hilassi Ergaano 5:15

Jeenteti wihi ergaano haaggissuu, enenyet ꞌdooꞌdichoki khakkhannan jitate keene, siriiro ichoow ilaalle kareeche. Iꞌdane yeeleene, ꞌdee kolossoo chirri Beetero sohti oosintiis ꞌdooꞌdoo khakkhannan oosimmoosse, samaataan.

Hilassi Ergaano 4:30

Antohi magah Yeessohi falfataahti munyee ka, dahantaah sooge enenyet samaache, wahanyeyyohi miigti Waakh tuso ichoow girmo yeel.”

Marko 16:20

Abatti ꞌdeerka bahte Wori Haaggan meel tuumman ka cheekte. Kamur la icho hil leehaaggiche, yeedicho ichoow wahanyeyyohi miigti Waakh tuso sooraahe ka, yeedi icho cheekeen rummaache.

Luuka 8:1

Waha ꞌdubicho ka, Yeesso goobab ichoow ilkerengeeto dah kagooche, Wori Haaggane dakhi Waakh miinsan icheeke. Abattitiisti tomon ichoow lammee laka usu a leejirte.