Luuka 9:44 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁴ “Taba waha an atin isooadeeh mujjum nabah isuda! Ínam Aadam dowwanoha ka ꞌdube lagoocha, dahanohi enenyet lagessa.”

Luuka 9:44 Referans Kwoze

Hilassi Ergaano 2:23

Waakh saggi goorat us igooche us ꞌhor igartuu, Yeesso dahanohiin a soogesse. Atin la gargaari ꞌdooꞌdi uskeel leh ka usu massalaaba kakaahteene tigaaseen.

Luuka 9:22

Toro wihi us iyidah, “Ínam Aadam sinati buurenye latusa, ewweenki Yaꞌhuud ichoow kuhaaniyyohi wewween ichoow tagaammeti amurre usu ꞌdiiꞌdaane, layagiise ibeenki seyyahnaatteet ka omoot lakasookahcha.”

Ibiraaniya 2:1

Maantaka, jeenteti wihi Waakh yeeluu, runta inno daagne weyti mujjum khabanni giꞌde, uus inno inti inno isoohanni bujine.

Luuka 2:19

Iꞌdaasenyi Maariya waha tuumman kasooꞌhesse, weyti kamalatte.

Yoohana 19:11

Yeesso wihi us ilaabe, “Waakh on anto kisiiche menye, at anto at ikakhabto mele. Maantaka eti dahanohaah igesse, uskeeli us khabo kaah laka a kuta.”

Yoohana 16:4

Waha la a atin isoocheeka, ꞌdee chirri maanti icho waha yeelaan yitah ka, wihi an atin iidah kasooꞌhessaan. “Waha maanti kolooraate atin abattiteey titaaheen ma atin isoocheekin. Iꞌdi tahe an a atin leejiree.

Luuka 24:44

Ulla wihi us iyidah, “Waha dakkhan a wihi maanti goorat an atin leejiro an atin icheeke, wihi tuummane ani imiinsane Chiirnaanneti Amurre ichoow ti ꞌdooꞌdi Waákh íyeyyeedo ichoow ti buuggi Sabuur lakachiire a labuuhicha.”

Luuka 18:31

Yeesso abattitiisti tomon ichoow lammee ꞌdol iwahe wihi us iyidah, “Ilkerengeetti weene Yeerusaleeme ikorra ꞌdee wihi goorat ꞌdooꞌdi Waákh íyeyyeedo chiire Ínam Aadam miinsan tuumman labuuhicha.

Luuka 2:51

Yeesso ꞌdeerka aabbahiis ichoow abartiis raahe ilkerengeetti Naasaret ikhubteene, wihi icho iyidaaheen la weyti raahe. Iꞌdaasenyi abartiis wihi us essi tuumman uur on ilaabatte.

Luuka 1:66

Eti tuummane yeeda daage la mal gele, wihi islaworsate, “Weela ꞌdeerka berri mehe yateeh?” Wihi tahe, saggi miigti Kamur weela ileejirto iche laarga.

Marko 9:31

a mehe abattitiissa wohoo abchaa. Wihi us iyidah, “Ínam Aadam dowwanoha ka ꞌdube lagoocha, dahanohi enenyet lagessa yagiisiine, chirri maan seyyahe kutte ka omoot kasookaha.”

Marko 8:31

Yeesso ꞌdeerka abattitiis wihi Waakh gooche abinnaan sookhabte. Waha la a saggi Ínam Aadam sinati buure liituso, ewweenki Yaꞌhuud ichoow kuhaaniyyohi wewween ichoow tagaammeti amurre usu iꞌdiiꞌdaane, liiyagiise, chirri maan seyyahe kutte us omoot ikasookaho.

Mattaayo 26:2

“Saggi atin igarattaan u, ibeen lamma on ankhane ꞌdee daawti Baasakka lagela, Ínam Aadam la ladiiba massalaaba lakakaaha.”

Mattaayo 16:21

Uuꞌ maalinkaas, Yeesso abattitiis saggi Waakh igooche us ilkerengeetti weene Yeerusaleeme iirti, ewweenki Yaꞌhuud ichoow kuhaaniyyohi wewween ichoow tagaammeti amurre dahanohicho ka sinati buure liituso, liiyagiise, ibeenki seyyahnaatteet ka omoot liikasookahcho ibabbakkaahiche.

Yoohana 16:31

Yeesso wihi us ilaabe, “Kola a irummeysatteen?