Luuka 9:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Makaateyyohi chane ichoow bahaggi lammee khaate, serey yeye, Waakh kalaꞌd ilaabe, jejjebche. ꞌDeerka abatti idiibe ꞌdee ꞌdooꞌd a gisso.

Luuka 9:16 Referans Kwoze

Mattaayo 14:19

Ulla urur amur ibahche hoos koorromiche. Makaateyyohi chane ichoow bahaggi lammee khaate, serey yeye, Waakh kalaꞌd ilaabe, makaateyyo jejjebche. ꞌDeerka abatti idiibe, abatti la enenyet siisse.

Luuka 24:30

Chirra us komborti ballaaddane lakagolossati ka meessiis koorronte ka, makaate khaate Waakh kalaꞌd ilaabe, jejjebche, icho gisin sookhabte.

Mattaayo 15:36

ꞌDeerka makaateyyohi teebee ichoow bahag khaate, Waakh kalaꞌd ilaabe, jejjebche, abattitiis ididdiibe, abatti la baꞌh gisse.

Rooma 14:6

Eti tuummane seeroo munyaacho, iꞌdane yeela ꞌdee Kamur inkaanyita. Eti jid yaham la iꞌdane yeela ꞌdee Kamur inkaanyita. A mehe ullaka gololaas ka Waakhe kalaꞌd ilaaba. Eti gololletoo bujo laka iꞌdane yeela, ꞌdee Kamur inkaanyita, toro la Waakh kalaꞌd ilaaba.

Hilassi Ergaano 27:35

Baawulo la inkoo us waha yidah ka, makaatetoo sookkhiche, icho tuumman orcho ka Waakh kalaꞌd ilaabe. ꞌDeerka makaate jebche yuhum.

Yoohana 6:23

Koobanohoo anki ilkerengeetti Tibeeriya kayimiy la yimaateene, inti chele inkoo Kamur Waakh kalaꞌd ilaabe urur fiddiye makaate kayuhum yimaateen.

Yoohana 6:11

Yeesso ꞌdeerka makaateyyo khaate, Waakh kalaꞌd ilaabe, ꞌdooꞌdi intaas fiddiyo geeddi icho ꞌdoonaan gise. Bahag laka iꞌdaas on yeele.

Luuka 22:19

Makaate khaate Waakh kalaꞌd ilaabe, jejjebche abatti ididdiibe wihi us yidah, “Waha a sarteeyti atin liisoobahche, amha ꞌdee ikasooꞌhela.”

1 Koriinto 11:24

chirra us Waakh kalaꞌd ilaabe ka, jejjebche, toro wihi us yidah, “Waha a sarteeyti atin liisoobahche, amha ꞌdee ikasooꞌhela.”

1 Koriinto 10:30

Chirri an golossadi an Waakh kalaꞌd ilaabo, a iꞌdoh etoo addan toro golola an Waakh kalaꞌd ilaabo ka iabaara?

Marko 7:34

Serey yeye, “Eꞌh!” yidahye, toro, “Effaaꞌda” yidah. Iꞌdaakka la “Furam!” iche leessa.

Luuka 9:15

Abatti iꞌdaas yeesse, enenyet tuumman la orronte.

Luuka 9:17

Enenyet tuumman golossate, darge. Abatti la enjel tomon ichoow lamma gololi laajjebche lasoowaache buuhaan soosuunte.