Luuka 9:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Chirri orrahe soodihto ka, ergaanoti tomon ichoow lammee itimiyye wihi iche itidah, “Urur laabe ꞌdee goobassi soodow ichoow gosasha soodow ka golol ichoow bari a yowti. A mehe inta a yibe.”

Luuka 9:12 Referans Kwoze

Mattaayo 15:23

Yeesso la wohoo rucchul laka ma iidaahan. Abattitiis la itimiyye, hawwaassatte, “ꞌDubeenna kasoorirriirta laab,” itidah.

Yoohana 6:1

Waha ꞌdubicho ka, Yeesso abattitiis khabaayi Beyti Buurenye Gaalilaaya, magahichekoo addan Beyti Buurenye Tibeeriya layadeeh, aficheki ꞌdiri imaahe.

Mattaayo 15:32

Yeesso abattitiis wahe, wihi us iyidah, “An ꞌdooꞌda weyti uur isoonugleesda. Maan seyyah dakkhan ani on ileejire, wihi icho yamhiin la ma khabaan. Anihi ankaa khabaani laabo ma ꞌdoono. A mehe a geeddi icho jit ka sussuuhaan.”

Mattaayo 14:13

Inkoo Yeesso wihi yitah daage ka, koobanhoo gele, intaas katabe, intoo khaawwan irte. Chirri urur waha daage ka, ilkerengeeto kasoobahe, luhlo ka Yeesso raahe.

Luuka 9:11

Iꞌdaasenyi ururre kasse, ꞌdubiis leetimiy. Ulla soodowweeste toro wori dakhi Waakh miinsan icheeke, ꞌdooꞌdi khakkhannan laka samaache.

Luuka 9:13

Wihi us ilaabe, “Atin rubeytiin wohoo icho yamhiin siicha.” Wihi iche ilaabte, “Wihi nah khabno a makaate chan ichoow bahag lamma kalday on. Chiꞌ nah iranni nah ꞌdooꞌda tuumman golol isooganno on menye.”

Fiiliffi 1:19

Iꞌdi tahe wihi an gardi, weysihiin ichoow gargaari Rubey Yeesso Kiriisto isiisso ka, a liisoofura.