Luuka 8:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Gaasoo la inti harrati haaggan khabto kadiheen. Soobaheene gurnaan deleen. Geey ba kol kudoo geeddi il lakachibe ꞌdirihiis dele.” Chirri us yeediis massiche ka, riire wihi us yidah, “Eti dogo khabo, a daago giꞌde!”

Luuka 8:8 Referans Kwoze

Mattaayo 11:15

Eti dogo khabo a daago giꞌde!

Bakkaahit 2:11

Eti dogo khabo, wihi Rubeyti Waakh ururre Kiriisto idowto a daago giꞌde. Eti tuummane sooricho la, omootti lammaatteet iꞌdaaru laka ma gaameerto.

Bakkaahit 2:7

Eti dogo khabo wihi Rubeyti Waakh ururre Kiriisto idowto a daago giꞌde. Eti tuummane sooricho la, ohonti us gurnaanki geeyi jiro lakeelo bahcho, gosi Waakh goya katoollo kayaham a muꞌdanyahe.

Marko 4:20

ꞌDooꞌd gaasoo a iꞌdi ilmohi harrati haaggan lakachibe. Icho Yeedi Waakh a daagaane toro khaattaane, gurnaanki buure delaan. Gaasoo kol tomon seyyah delaane, gaasoo la kol tomon lih delaane, gaasoo la kol kudoo delaan.”

Marko 4:8

Gaasoo la inti harrati haaggan khabto kadiheene, mujjum baheene, weynaateene, gurnaan deleen. Gaasoo kol tomon seyyah deleene, gaasoo kol tomon lih deleene, gaasoo laka kol kudoo deleen.”

Mattaayo 13:23

ꞌDooꞌd gaasoo a iꞌdi inti harrati haaggan khabto. Ilmohi harrata kadiho a iꞌdi eti Yeedi Waakh daago toro abti. Ulla gurnaan kol kudoo ommos kol tomon lih ommos kol tomon seyyah geeddi il lakachibe ꞌdirihiissa dela.”

Luuka 8:15

Iꞌdaasenyi ilmohi harrati haaggan lakachibe a ꞌdooꞌdi hahhaaggane, uuri haaggan khabo Yeedi Waakh daago uuricho gessati, jeenteti us igarrahsatuu gurnaan delo.

Kolossaay 1:10

Waakhe atin iwahna, ꞌdee jiroti Kamur inkaanyitto toro kahamaadisso jirtaan. Iꞌda ka sagag tuumman ka enenyet haag a iyeessaane, abannaanki atin Waakh abattaan la a kakhayma.

Efeesso 2:10

A mehe Waakhe wihi toolla inno nahe inno kayeele. Wohoo kaldaye inno ichoow Yeesso Kiriisto nahe ka a inno soouume ꞌdee hilassi hahhaaggane Waakh goorat inno itannabiche kaassahanna.

Marko 4:23

Chiꞌ etoo dogo khabo, a daago giꞌde!”

Luuka 8:7

Gaasoo laka inti geeyohi rurrucchule kudah khabo kadiheen. Isleesoobaheene geeyohi soobahe afcheen.

Luuka 14:35

Harra ommos laag laka ma iroon gone, a lakhuba on. “Eti dogo khabo, a daago giꞌde.”

Bakkaahit 3:6

Eti dogo khabo, wihi Rubeyti Waakh ururre Kiriisto idowto a daago giꞌde.

Bakkaahit 3:13

Eti dogo khabo wihi Rubeyti Waakh ururre Kiriisto idowto a daago giꞌde.

Bakkaahit 13:9

Eti dogo khabo a daago.