Luuka 8:42 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴² Iꞌdi tahe inanti kaldaye us khabo, guꞌh tomon ichoow lamma khabto, iche omoottan. Geeddi Yeesso sohti la ꞌdooꞌd ꞌdollohiis tuumman ka a ishude.

Luuka 8:42 Referans Kwoze

Luuka 8:45

Yeesso wihi us worsate, “Ayyo iꞌdaare?” Chiꞌicho tuumman ꞌdiiꞌdeen ka, Beetero wihi us yidah, “Eti ween, ꞌdooꞌd ꞌdollohaah tuumman ka a issootakha, ishude.”

Luuka 7:12

Chirri us aritti ilkerengeeteet sooeleele ka, inanki kaldaye makhaabassoo muunkhee leetehe usuhi buje hawwaal liisiꞌdo kasooyegeen. Ururi buurenye ilkerengeet kayimiy la iche a leejire.

Rooma 5:12

Maantaka uskeel maanti goorat us harra soogele etoo kaldache keene, uskeeli etaas la omoote ꞌdub kasookhabe. Omoottaas weeli enenyet tuumman itaaꞌhte, a mehe weeli enenyet tuumman uskeel a yeele.

Marko 5:24

Yeesso ꞌdeerka makhaábal raahe. Enenyeti buure laka raahe, ꞌdollohiis tuumman ka enenyet a ishude.

Luuka 8:41

Chirraakka etoo Yaayiro layadeehe ilkerengeettaas ka minki weysiite Yaꞌhuud iween yimiyye, Yeesso luhlohiis kakufe hawwaaste, usuhi Yeesso goobiis yamiite ꞌdoonaa.

Luuka 8:43

Ururaas goyaka la makhaabassoo guꞌh tomon ichoow lamma hugunkiche tolossawwaaye diig on ꞌdulo la a jirta. Iꞌdaasenyi et samaan yabuuꞌd mele.