Luuka 8:25 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁵ Yeesso la wihi us abattitiis worsate, “Atin uliba ma ikakhuuftaan a?” Abatti roorro gesse toro girmeysatte, wihi iche isworsatte, “Eta a ayyo? Hafar ichoow bicche laka amur on ibahcha, icho la yeediis daagaan.”

Luuka 8:25 Referans Kwoze

Mattaayo 8:26

Yeesso la wihi us ilaabe, “Eenna iꞌdaaru marah on ikakhuuftaane, a iꞌdoh iꞌduu iburꞌdowteen?” ꞌDeerka kahe, hafar ichoow ir ba leejaakhe, chirraakka beye rukkuy goosse.

Mattaayo 14:31

Yeesso chirraas on dahan sooge khabte, wihi us iyidah, “Ati iꞌdaaru marah on ikakhuufta! A iꞌdoh ikamalassa?”

Yoohana 11:40

Yeesso la wihi us iyidah, “An kootte chaꞌat saggi waha iyateehiin rummeysatte weynaanti Waakh a agarta ma kiidaahan a?”

Luuka 12:28

Chirri Waakh hoosi keley baho, toolla jiro saahta ꞌdab lakalugꞌdo gaado, geeddoo meheenye atin weyti atin gaada? Atin eenna geeddoo rucchul on Waakh kakhuuftaane!

Mattaayo 17:20

Wihi us ilaabe, “A jeenteeti atin Waakh weyti ikakhuufin. Rume atin icheeka, chiꞌ kakhuufnaanki atin Waakh kakhuuftaan buur ka geeddi ilinti geeyi dahar yahe a geeddi atin hala, ‘Inta kaguure intuus iro,’ itadeehiine, ulla irti. Walah atin iubaaꞌdan la mala.”

Mattaayo 6:30

Chirri Waakh hoosi keley baho, toolla jiro saahta ꞌdab lakalugꞌdo gaado, atin geeddaas ꞌdirihiis weyti ma atin gaado? Atin eenna geeddoo rucchul on Waakh kakhuuftaane!

Mattaayo 8:10

Chirri Yeesso waha daage ka weyti girmeeste, wihi us ururi sooraaho iyidah, “Rume atin icheeka, an injire yaafohi Issiraayel goyaka, eti geedda weyti Waakh kakhuufo ma ꞌhelin.

Marko 4:35

Maalinkaas geleb ka, Yeesso abattitiis, “Beyta Gaalilaaya maahno, aficheki ꞌdiri a iranni,” iyidah.

Luuka 8:24

Abatti Yeesso iiratte, kihisse, wihi iche itidah, “Eti ween, eti ween, bicche a inno khaataan!” Ulla sookahe, hafar ichoow bicchehaas uskul ba leejaakhe, ire tolossatte, bicche laka haagsateen.

Luuka 8:26

Yeesso ichoow abattitiis ba kooban orey iwoyeen beyti Gaalilaaya aficheki ꞌdiri imaahaanee. Ilkerengeetti Geraasa isoodowwaateen.