Luuka 8:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ Ilmohi daddaab sarche kadihe a ꞌdooꞌdi chuꞌus Yeedi Waakh daage hamaadi buure ka khaatti. Iꞌdaasenyi hiiyyay icho khabaan mele. Geeddoo rucchul on yeeda rummeestaane iꞌdaasenyi chirri kajmeti uskeel kaluguꞌddo timiy dowwa on soodihaan.

Luuka 8:13 Referans Kwoze

Yoohana 5:35

Yoohana a iꞌdi taahi bolkho, banay ꞌdooꞌd tuso. Atin la geeddoor yeedi us atin idowo atin kahamaadicho a ꞌdoonteen. Yeeda us atin idowo la, a iꞌdi banay.

Yuuda 1:12

ꞌDooꞌda a iꞌdi duksakki atin biꞌdirroocho chirri atin daawti ꞌdooꞌd Kiriisto isleegolossati atin gessaan. Icho heebtoo rucchul laka ma argaane, toro la wihi awtichooda on rirrihaan. Icho a iꞌdi mirisi hafar guuricho, bicche laa. Icho a iꞌdi geeyohi hayohi gurnaan lasugo ka gurnaankoo rucchul laka ikhabin. Icho hiiyyaye lakasoobukkhiche. Icho rumanka a tuumeen.

2 Beetero 2:22

Wihi icho kayitah a mammahti rummaate goorat, “Kar jilbiibotiissa inokhta,” liidahye, ommos, “Golchati ladikhe toro a nokhatta sub kafadda,” liidah.

2 Beetero 2:20

A mehe chirri icho abannaanki Yeesso Kiriistohi Kamureenenye ꞌDoorribeheene abteen ka, wahanyeyyohi harratane sussuujenye enenyet biꞌdirroocho a kasoobahsateene toro la suujoonkaas icho khabte a kahataateene, icho kola jiroti icho jiraan ti oraat laka a kasuuj.

Ibiraaniya 10:39

Iꞌdaasenyi inno ꞌdooꞌdi Waakh adah kakhabti labaabiicho goya ma kijirro, ꞌdooꞌdi Waakh kakhuufo, Waakh ribo goya kijirra.

Efeesso 3:17

ꞌdee Kiriisto kakhuufnaanki atin usu kakhuuftaan ka uurassiin goyaka fur yeessa. Toro la Waakhe daaha, ꞌdooninti atin Waakh ichoow enenyet ꞌdoontaan ka miigowtaane toro mujjum tolossattaane,

Yaakoobo 2:26

A mehe enenyeti rubey ikhabin a yumuy. Saggaas on u kakhuufnaanki inno Waakh kakhuufno haag liiyeelin a yumuy on.

1 Timooti 1:19

orey isohatta, Kiriisto kakhuufta, kol dakkhan la rubeyti suujoon ikaacheekan jurkhissa. A mehe ꞌdooꞌd gaasoo wahanyeyyohaas a ꞌdiiꞌde. Jeentetaas u la kakhuufnaanki icho Waakh kakhuufaan a suujaacheen.

1 'Dessaloonika 3:5

Maantaka inkoo an nabahtiin waaye ka fiddi agaafde, Timooti sooerge. A sooerge ꞌdee usu atin uliba Kiriisto mujjum kakhuuftaan abda. Mehe karoore ya, kolossoo Seytaanki ꞌDookkaje layadeeh jitoo ka kajmeti uskeel atin kaluguꞌddo a atin kakaje, hili miigenye nah haagginne ki ilmarhaatteet yitah.

Kolossaay 2:7

ꞌDeerka orey isohda goytiis ka mujjum hiiyyay bahcha, jirotiin la usu kadisa. Saggi atin liiabchuu, kakhuufnaanki atin usu kakhuuftaan ka miigowa, kol dakkhan la weyti usu kalaꞌd ilaaba.

Galaatiya 3:4

Sinati atin tuhum, a ti ilmarhaatteet on a? Rumanka ti ilmarhaatteet mee!

Galaatiya 3:1

ꞌDalammeti Galaatiya, ayyo atin katibte? Rumanka Yeesso Kiriistohi massalaaba lakakaahe a atin liisoonyiikhe!

1 Koriinto 15:2

Wora Haaggan ka la chirri atin wihi an atin icheeke tuumman mujjum khucchissaan, a atin lariba. Chaꞌatin Wori Haaggan on menye wohoo addan rummeysatteen la, immarah on rummeysatteen gon.

Yoohana 15:6

Eti tuummane goyteey ifiddiyin, iꞌdi liikhimeet u a laroga, angaga. Liikhimohi iꞌdaase a lasoosuuna, ꞌdab lakalugꞌda, laguba.

Yoohana 15:2

Aabbaheey la eti tuummane iꞌdi liikhimeet u ani ikatoollo gurnaan idelin, a goocha. Eti tuummane iꞌdi liikhimeet u gurnaan delo la, Aabbaheey mujjume yeela, ꞌdee gurnaanki buure bahcha.

Kolossaay 1:23

Iꞌdaasenyi, taba wori rummaat kakhuufa, iꞌdi wihi isesseehin u jurkhicha. Khajjeeli Wori Waakhe Haaggan akaguurina. Wora atin daagteen a ki ꞌdooꞌdi harra tuumman liicheeke. Anna a Baawulo, a falfati Wora Haaggan cheekto.

1 Koriinto 13:2

Chirri an siinti Waakh liiyeyyeedo khabo, chirri an wihi dagsan tuumman gardi, chirri an walah tuumman gardi, chirri an kakhuufnaanki Waakh weyti lakakhuufo khabo an halal laka guuricho, iꞌdaasenyi an enenyet iꞌdoonin, walah an ahe mele.

Marko 6:20

a mehe ꞌHerood Yoohana karoora, saggi us etoo fissane toro munyee iyahe iche garta. A toorriba laka. Kolbaaw us Yoohana dagansate, mal la gela. Iꞌdaasenyi toro, weyti dagansan ꞌdoona.

1 Yoohana 2:19

ꞌDooꞌda goyteenna kabahe iꞌdaasenyi rumanka keen ma eheynan. A mehe chiꞌ rumanka goorat icho keen yahiin, a inno leefiddiyaan. Iꞌdaasenyi katabinti icho inno katabeen, saggi koo kalday laka keen ieheynane tusa.

Luuka 8:12

Ilmohi jit lakachibe a ꞌdooꞌdi Yeedi Waakh daago, Seytaan la yamiite yeedaas uuricho kabahcho, saggoo ꞌdee icho yeedaas irummeysanne, Waakh iribin yeelo.

Luuka 8:14

Ilmohi inti geeyohi kudah khabto goya kadihe mehe itoollaan ya, ꞌdooꞌdi Yeedi Waakh daago. Iꞌdaasenyi geedda icho orey isohtaan, waꞌdwaaꞌd ichoow kamurroon ichoow haaggi wihi harrata afchaane ma weynaataan.