Luuka 7:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Chirri Yeesso waha daage ka weyti girmeeste. Ururi usu sooraaho iurgiye, wihi us iyidah, “Wihi an atin iadeeh, an injire yaafohi Issiraayel goyaka laka eti geedda weyti Waakh kakhuufo ma ꞌhelin!”

Luuka 7:9 Referans Kwoze

Mattaayo 15:28

Yeesso ꞌdeerka wihi us ilaabe, “Makhaabassa, at weyti ani ikakhuufta, nyaam, wihi at daahte a kiyeelaa.” Chirraas on inantiche samaatte.

Mattaayo 8:10

Chirri Yeesso waha daage ka weyti girmeeste, wihi us ururi sooraaho iyidah, “Rume atin icheeka, an injire yaafohi Issiraayel goyaka, eti geedda weyti Waakh kakhuufo ma ꞌhelin.

Mattaayo 9:33

Chirri Yeesso et ginna kabahche ka, eti kootte yeyyeedin iubaaꞌdan yeyyeede, ꞌdooꞌd la weyti girmeeste, “Nah injire wihi iꞌdee ili Issiraayel goyaka ma argin,” yidah.

Luuka 7:8

Iꞌdi tahe ani rubeyteey laka a etoo iskarti addane ikawewween antohicho raaho, toro la iskarti addane an andi laka a jirta. Chirri an koo, ‘Kaale,’ iidah a yamiit. Chirri an koo, ‘Nyaam iro,’ iidah la a irta. Chirri an ilbooyeey, ‘Waha yeel,’ iidah la a yeela.”

Luuka 7:10

ꞌDooꞌdi kootte lasooergate ꞌdeerka min inokhte, ilbooyi khannan usuhi samaate ꞌheleen.

Luuka 7:50

Yeesso wihi us makhaabál iyidah, “Kakhuufnaanki at ikakhuufte a kiribe, tab nebey leeiro!”