Luuka 6:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Ibeennetaas kichekoo Yeesso bahe burroo kore, ibeenki nool Waakh wahte.

Luuka 6:12 Referans Kwoze

Ibiraaniya 5:7

Maanti Yeesso harrata kijire, us riirit ichoow oytim ka Waakkhi omoot karibo wahte. Jeenteti Us roorro ka Waakh afiis ikutin u, Waakh weysihiis a daage.

Marko 6:46

Inkoo us icho bariitiche ka, Yeesso burroo kore, Waakh wahte.

Marko 1:35

Yeesso baryoti booran ka kahe, min kabahe, inti enenyet ikijirin irte, weeste.

Kolossaay 4:2

Taba, weysi ka orey isohda, geeddaas tuumman isyaakhicha, Waakh la kalaꞌd ilaaba.

Mattaayo 6:6

Iꞌdaasenyi kolbaaw at weysatti, meessi liikaargin gele, Aabbahaahki indo ka liiargin waho, ꞌdee Aabbahaahki wihi at dagsi ka yeesso argo kalaꞌd a kiguto.

Mattaayo 5:1

Yeesso inkoo us ururi buure arge ka, irte burroo kore, orronte. Abattitiis la isookhayte.

Marko 3:13

Yeesso irte burroo kore, ꞌdooꞌdi us ꞌdoono isiwahe, icho la usu iyimaateen.

Luuka 5:16

Iꞌdaasenyi Yeesso kolassi ittaawe intoo us keley kayahe irte Waakh wahte.

Luuka 6:11

Iꞌdaasenyi sirgoweene, iꞌdi icho Yeesso yadeehiin isworsan sookhabteen.

Luuka 6:17

Ulla ergaanotiis khabaayi bur kasookhubte ꞌdowhoo tolossate. Ururi buurenye abattitiise ichoow ꞌdooꞌdi ittaawenye boroofenhi Yaꞌhuudiya ichoow ilkerengeetti weene Yeerusaleem ichoow ilkerengeetohi rurrucchule beyti buure afiche yaalle iꞌdi maanta Tiiro ichoow Siidon illehe laka, intaas a kijire.

Luuka 9:18

Maantoo chirra Yeesso keley Waakh wahti abattitiis la a leejirta, wihi us icho worsate, “Ururre an a ayyo elatta?”

Luuka 9:28

Inkoo us yeeda yidahye geeddi ibeen siyyeete kutte ka, Yeesso Beetero ichoow Yoohana ichoow Yaakoobo khaatte, haloo leekore weeste.

Luuka 9:29

Weestaayi, fooliis urgiye, gaaddiis la urgiite weyti dakhnaatte.

Yoohana 6:3

Yeesso la abattitiis khabaayi haloo kore, orronte.