Luuka 5:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Yeesso maantoo beyti Gennaasarete toolla, enenyet la usu kuurure Yeedi Waakhe dagansataa.

Luuka 5:1 Referans Kwoze

Marko 3:9

Jeenteti urur ibuuraatuu, abattitiis koobanhoo us koro, ꞌdee goya katolossati, urur iskalaabo daahe.

Mattaayo 14:34

Chirri icho beyti Gaalilaaya afichekuus imaaheen ka, intoo Gennaasaret layadeeh yimaateen.

Marko 6:53

Chirri icho beyti Gaalilaaya afichekuus imaaheen ka, intoo Gennaasaret layadeeh yimaateene, kooban hideen.

Mattaayo 11:12

Uus ibeenneti Yoohanahi Enenyet Baattissiyo jire kasookhabatti ichoowka toolla, dakhi goobi Waakh sina a kawaarte. ꞌDooꞌdi sussuuje la usuhi goobi Waakh khabti marma.

Luuka 12:1

Geeddaka urur buuraate, aliffe laka kute ichoowka ꞌdooꞌd iskharꞌdabte. Yeesso koloo abattitiis leeyeede wihi us iyidah, “Yeedad Farissaayo ki iꞌdi booddati makaate fuurissee yuubsada. Wihi icho essaan tuumman ka a iskaayyeelaane suujoon taaꞌhichaan.

Marko 5:24

Yeesso ꞌdeerka makhaábal raahe. Enenyeti buure laka raahe, ꞌdollohiis tuumman ka enenyet a ishude.

Luuka 8:45

Yeesso wihi us worsate, “Ayyo iꞌdaare?” Chiꞌicho tuumman ꞌdiiꞌdeen ka, Beetero wihi us yidah, “Eti ween, ꞌdooꞌd ꞌdollohaah tuumman ka a issootakha, ishude.”

Marko 4:1

Yeesso toro beyti Gaalilaaya afiche ka, Wori Haaggan enenyet abche. Jeenteti ururi weyti buure iyimiy u, Yeesso koobanhoo goya koorronte, enenyet la bey afiche khaariche, dagansate.

Luuka 5:2

Ulla koobanhoo lammeenye beytaas afiche lakatabe arge. ꞌDooꞌdi kooban leh la oroohti bahag lakakhabti iche dikha.

Luuka 8:22

Maantoo Yeesso abattitiis wihi us iyidah, “Beyta Gaalilaaya maahno aficheki ꞌdiri a iranni.” ꞌDeerka koobanhoo koreene irteen.

Luuka 8:23

Kooban sohtaani Yeesso urꞌdumme khaatte. Hafaroo buure la yimiyye bey guꞌdde, ichoowka bicche kooban goya isootabeene buuhin leheet.

Luuka 8:33

Chiꞌ ginnayyo et kabaheen ka, golcha goya itabeene, woy tuumman bur kakhubte bey goya itabe, bicche khaateen.

Yoohana 1:40

Reera lammeenye wihi Yoohana essi daage Yeesso raahe, kichokoo a Andereeyahi walaal Siimonhi Beetero layadeeh.

Yoohana 6:1

Waha ꞌdubicho ka, Yeesso abattitiis khabaayi Beyti Buurenye Gaalilaaya, magahichekoo addan Beyti Buurenye Tibeeriya layadeeh, aficheki ꞌdiri imaahe.

Ibiraaniya 13:7

Bal ꞌdooꞌdi oraate atin woye, Yeedi Waakh atin isoocheeke, kasooꞌhela. Jiroti haaggane icho jireen, wihi iche desse kamalda, toro la atin laka saggichuu Waakh kakhuufa giꞌde.