Luuka 4:34 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁴ “Wooy! Yeessohi Naasaret, nah katab!” yidah. “Nahe nah massin timiy? Ani alah eti at tahe a garda, at a Ki Munyeenye Waakh kayimiy,” yidah.

Luuka 4:34 Referans Kwoze

Yaakoobo 2:19

Saggi Waakkhoo kalday on ijiro a rummeysatta? A haaggantahe! Ginnayyo laka saggi Waakkhoo kalday on ijiro a rummeestaane, roorro ka harmaan.

Marko 1:24

“Wooy! Yeessohi Naasaret, ati mehe nah kaꞌdoonta?” yidah. “Nahe nah massin timiy? Ani alah eti at tahe a garda, at a Ki Munyeenye Waakh kayimiy!”

Mattaayo 8:29

Chirraas on riireene, “Weeli Waakh, at mehe nah kaꞌdoonta? Geeddi ibeenki Waakh nah ichiire iitaahan on tamiite bolokh nah tussa?” yidaaheen.

Hilassi Ergaano 3:14

Atin Eti Munyeenye toro Fissan a ꞌdiiꞌddeene, etoo dubunuunu enenyet yigisye atin liisoofuro daahteen.

Bakkaahit 3:7

“Herti Waakhe keleyenye urur Kiriistoki Filadeelfiya itolosso waha ichiir. Waha a farniinki ki munyeenye toro rum leh. A usuhi furoti antoote too karnati Dawuude khuccho. Wihi us furo et hidin yabuuꞌd mele, wihi us hido la et furin yabuuꞌd mele.

Luuka 4:41

Ginnayyo ꞌdooꞌdi ittaawe goya kabaheen ichohi riiro, “Ati Weeli Waakhe” essi. Iꞌdaasenyi Yeesso ginnayyo leejaakhe, amuri icho kaayyeedaan la tirte. Iꞌdi tahe saggi us Ki Lasubhe iyahe a gartaan.

Luuka 1:35

Herti Waakh wihi iche ilaabte, “Rubeyti Munyee a kisooyagta, miigti Waakkhi Weyti Ween iꞌdi oosimeet u koogoogta. ꞌDeerka weela munyeenye dessi Weeli Waakhe layadeeh.

Bakkaahit 20:2

Herta Waakh la khorojebsihi archiiy jire magahiis ki ꞌdooꞌd hanti ommos Seytaan layadeeh khabatte, guꞌh alifoo hidde.

1 Yoohana 3:8

Eti tuummane uskeel yeelo a ki Seytaan, a mehe Seytaan uus uumaccho ka us uskeel on yeela. Weeli Waakh a yimiyye ꞌdee hili Seytaan baabiicha.

Ibiraaniya 2:14

Nyaakhutaas iꞌdaas us yadeeh u, a weeli enenyete sar ichoow diig khabo gone, Yeesso laka uummanki weeli enenyete inno leegisme. Iꞌdaas ka omoottiis ka Seytaanki enenyet omoot ikeeno miigtiis tuumman bar a tire,

Hilassi Ergaano 16:39

Iyimaateene, “Nah ikakuta,” iyidaaheene, jeela kabahcheene, hawwaasteene ꞌdee ilkerengeet a kabaheen.

Hilassi Ergaano 4:27

Rumanka ꞌHerood ichoow Boontiyo Bilaato ichoow yaafohi Yaꞌhuud ichoow yaafohi Yaꞌhuud ieheynan ba ilkerengeetta ka a kulmeene, ꞌdee saggi icho Yeessohi falfataahenye munyeenye at subahte itirrimaan goocheen.

Hilassi Ergaano 2:27

A mehe meessi ꞌdooꞌdi tuume kijiro goya ma ikatabto, ommos Falfataahti Munyee ma ꞌdiisso ma suusahto.

Luuka 8:37

ꞌDooꞌdi ilkerengeetti Geraasa isoodow tuumman Yeesso daahe, icho a katabo, a mehe weyti roorro gesse. Ulla ꞌdeerka kooban kore irte.

Luuka 8:28

Eta uus Yeesso arge ka uuwwiche, Yeesso ortiis ka il iskaguꞌdde, weyti riire wihi us yidah, “Yeesso, weeli Waakkhi weynaan tuumman tiis tahe, at mehe ikaꞌdoonta? A kihawwaasde, bolokh iitusin!”

Marko 5:7

Deeddi us yabuuꞌd dakkhan riire, “Yeesso, weeli Waakkhi weynaan tuumman tiis tahe, at mehe ikaꞌdoonta? Magahi Waakh ka daato, bolokh iitusin!”

Marko 1:34

Yeesso la ꞌdooꞌdi ittaawenye sugeerreti yeerare khabo samaache. ꞌDooꞌdi ittaawenye ginnayyo dakhtaan laka, ginnayyo kabahche. Iꞌdaasenyi ginnayyo amuri icho kasooyeedaan tirte, a mehe eti usu yahe a garteenee.

Luuka 4:33

Etoo ginnatoo uskul dakhatti la chirraas minki weysiite Yaꞌhuude goya kijira. Ulla weyti riire,