Luuka 4:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ Ulla minassi weysiite Yaꞌhuud ka ꞌdooꞌd wori Waakh abche, ꞌdooꞌdi daage tuumman la Yeesso saaꞌde.

Luuka 4:15 Referans Kwoze

Mattaayo 4:23

Yeesso boroofenhi Gaalilaaya tuumman goya tabe, minassichoki weysiite Yaꞌhuud ka Wori Haaggane dakhi Waakh miinsan cheeke, ꞌdooꞌdi khakkhannane khannaattetiis fil dakkhan tahe laka samaache.

Mattaayo 9:8

Urur uus waha arge weyti roorro gesse, Waakkhi enenyet antohaas geeddee siiche koolicheen.

Luuka 13:10

Yeesso maantoo Seeri Lanaso ka minkoo weysiite Yaꞌhuude ꞌdooꞌd wori Waakh kaabcha.

Marko 1:45

Iꞌdaasenyi etaas irte, enenyet tuumman yeedaas icheeke, woraas taaꞌhiche. Yeesso saahka jeentetaas u chiꞌ laargo ilkerengeet gelin ma yabuuꞌd, iꞌdaasenyi hidaad on fiddiya. Eheetteey laka, enenyet Yeesso ma ꞌdiicho, ꞌdollo tuumman ka a iyamiit on.

Marko 1:39

ꞌDeerka boroofenhi Gaalilaaya tuumman goya kasohte, Yeedi Waakh minassichoki weysiite Yaꞌhuud ka cheeke, ꞌdooꞌdi ginnayyo dakhtaan la ginnayyo kabahche.

Marko 1:27

Enenyet tuumman girmeeste. “Waha iꞌdee a mehe?” isworsate. “A yeedi husube, toro anto khabo! Ginnayyo laka amur on ibahcha, icho la yeediis raahaan.”

Mattaayo 13:54

Chirra us ilkerengeetti goobicheenye Naasaret yimiy ka, minki weysiite Yaꞌhuud ka enenyet Yeedi Waakh abin sookhabte, icho la girmeesteene, “Us eta kharata ichoow miigta us waha weeli enenyet yeelin iubaaꞌdan kayeelo intoh kaꞌhele?” worsateen.

Mattaayo 9:35

Yeesso ilkerengeeto ichoow goobab tuumman goya tabe minassichoki weysiite Yaꞌhuud ka ꞌdooꞌd wori Waakh abche. Wori Haaggane dakhi Waakh miinsan icheeke, sugeerre ichoow khannaatte tuumman ꞌdooꞌd kabahche.

Luuka 4:16

Yeesso ilkerengeetti Naasarete lakasooweynaache inokhte. Seeri Lanaso ka iꞌdi orrangateet u minki weysiite Yaꞌhuud irte. Ulla tolossate Yeedi Waakhe ꞌdooꞌd isoomaa.