Luuka 3:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Waakh iꞌdi eti uroti geeyo hiiyyay khabaani goosso dahan kakhabuu kola ꞌdee a atin goocha. Geeyi gurnaanki haaggan idelin tuumman la a lagoocha ꞌdab goya lakalugꞌda.”

Luuka 3:9 Referans Kwoze

Mattaayo 7:19

Geeyi tuummane gurnaanki haaggan idelin, a lagoocha ꞌdab lakalugꞌda.

Yoohana 15:6

Eti tuummane goyteey ifiddiyin, iꞌdi liikhimeet u a laroga, angaga. Liikhimohi iꞌdaase a lasoosuuna, ꞌdab lakalugꞌda, laguba.

Luuka 13:9

Chirri us berri gurnaan dele, a haaggantahe. Chirri us idelin la goocha.’ ”

Luuka 13:7

Ulla ꞌdeerka ilbooyi gos khuto wihi us iyidah, ‘Guꞌh seyyah dakkhan an geeya fiig gurnaan on kayowda, ulla gurnaan us delo mele. Gooy uus immarah harra katoolline.’ ”

Mattaayo 3:10

Toolla laka Waakh iꞌdi eti uroti geeyo hiiyyay khabaani goosso dahan kakhabuu, geeyohi gurnaanki haaggan idelin tuumman a goocha ꞌdab goya iseya.”

Ibiraaniya 12:29

A mehe Waakkheen rumanka a ꞌdabi walah yaham.

Ibiraaniya 10:28

Goorat eti tuummane amurre Muusa raahin ꞌdiiꞌde, chirri et lamma ommos et seyyahe gartiis laabte, uur ma liinugleesti, chirraas on layagiis.

Luuka 13:6

Yeesso ꞌdeerka mammahta ꞌdooꞌd ibahche, “Etoo goorat geeyi fiige gosiis goya katoolliche. Ulla irte geeyaas yeyyeye, gurnaan kayowte. Iꞌdaasenyi, gurnaan us geey kaꞌhele mele.