Luuka 3:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ ꞌDooꞌdi ittaawenye baattissiyoti labaattissiyo ꞌdoono la Yoohana iyimiyye, Yoohana la wihi us iyidah, “Dessi Toof! Ayyo atin tootooche ꞌdee holi Waakh dowwanoha ka keeno kafiriddaan?

Luuka 3:7 Referans Kwoze

Mattaayo 23:33

“Atinha iꞌdi toofafe! Dessi toof! Saggoh meessi ꞌdabi armaanjireene Waakh atin igooche ikabahsattaan?

1 'Dessaloonika 1:10

Toro la saggi atin Weeli Waakhe goobi Waakh ka soonokhti isugtaan laka a cheekaan. Us a Yeessohi Waakh omoot ka sookahche, holi Waakhe soosohti inno karibo.

Mattaayo 12:34

Dessi toof! Saggoh wihi haaggan itadeehiin chirri atin uskeel kajirtaan? Iꞌdi tahe wihi uuraah goya buuho iche afaah leeyamiit.

1 Yoohana 3:8

Eti tuummane uskeel yeelo a ki Seytaan, a mehe Seytaan uus uumaccho ka us uskeel on yeela. Weeli Waakh a yimiyye ꞌdee hili Seytaan baabiicha.

Ibiraaniya 6:18

Waakh wihi us ayyiche ichoow wihi us daatte ma urgiyaane, been goon ma yabuuꞌd. Maantaka innohi Waakh inyaanne karibanne uure inno miigoocha, ꞌdee khajjeeli us inno siiche mujjum khabanna.

Hilassi Ergaano 13:10

“Weeli Seytaan! At a chiiytanki wihi haaggan tuumman ꞌdiiꞌdo. At a eti ekkeysi lehe, toro wihi suuje tuummane rubeytaah buuha. At la kol tuumman jiti Kamure fissane khollokkhissa.

Yoohana 8:44

Atin a nyaakhuti Seytaanki ooyohiine. Wihi us imoono tuumman atin laka yeeline ꞌdoontaan. Uus uumaccho ka us eti ꞌdooꞌd bakkicho on eheet. Ulla toro rum a ꞌdiiꞌda, iꞌdi tahe us injire wihi rummaat ma cheekin. Chirra us yeedi beenaat cheeko la, wahaas eti rumanka us yahe tusaan. Us a eti been lehe, toro la a ooyohi ꞌdooꞌdi been goocho.

Mattaayo 3:6

Eti tuummane uskeeliis Waakh icheekte la, Yoohana hawti Yoordane ꞌdusso ka baattissiye.