Luuka 3:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Yoohana la hawti ꞌdusso Yoordan tuumman kaassohte. Ayti Waakhe us cheeke la a ki ꞌdooꞌd uskeelicho kasoonokhti, ulla baattissiyo, ꞌdee Waakh uskeelicho ikakuto.

Luuka 3:3 Referans Kwoze

Luuka 1:77

uskeelichoki liikakuto ka, ꞌdooꞌdiis saggi Waakh iribo abissa.

Hilassi Ergaano 22:16

Toollaka mehe sugta? Tolosso a kibaattissiyo, uskeelaah a lakaadikho geeddi at magahi Kamur wahto.’

Hilassi Ergaano 19:4

Baawulo wihi us iyidah, “Wihi baattissiyo Yoohana enenyet tusso, a ꞌdooꞌdi uskeel kasoonokhte. Yoohana rubeytiis la wihi us ꞌdooꞌd iyidah, ‘Ki ꞌdubeey ka yamiit rummeesda,’ kaas la a Yeesso.”

Hilassi Ergaano 13:24

Geeddi Yeesso hiliis isookhaban, Yoohanahi Enenyet Baattissiyo iche yaafohi Issiraayel tuumman Yeedi Waakh icheeke, icho uskeeliin kasoonokhda toro a atin labaattissiyo iche idowe.

Yoohana 3:26

Yoohana iyimaateene, wihi icho iyidaaheen, “Eti weenoow, eti goorat hawti Yoordane ꞌdusso ꞌdirihiche ka kileejire, at woriis kayeyyeedde kalla. Yey, enenyet tuumman la usu iirta, ulla baattissiya.”

Mattaayo 3:11

Yoohana toro wihi us yidah, “Ani atinhi tuummane uskeeliin kasoonokhatteen, bicche atin kabaattissiya. Iꞌdaasenyi etoo ꞌdubeey ka yamiit weyti ikaweenyahe, ortiis ka walah an ahe mele, kobtiis laka sinnaan ma muꞌdan. Us Rubeyti Munyee ka ichoow ꞌdab ka a atin baattissiya.

Yoohana 1:28

Waha tuumman la ilkerengeetti Beꞌdaaniya hawti Yoordane ꞌdusso berihicheenye Yoohana enenyet kabaattissiyo, iche kayitaaheen.

Luuka 1:16

Ulla ꞌdooꞌdi buurenye Issiraayele anki Kamuri Waakkhichee isoolaaba.

Luuka 4:1

Yeesso usuhi Rubeyti Munyee buuhisse hawti Yoordane ꞌdusso kasoonokhte, Rubeyti Munyee la woyte hidaad geesse.