Luuka 3:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Yoohana wihi us ilaabe, “Eti ubbaar lamma derdeer khabo, eti ikhabin koo a siicho, eti golol khabo la ki ikhabin a leegismo.”

Luuka 3:11 Referans Kwoze

1 Yoohana 3:17

Chirri etoo hoolahi harrata khabo etoo addane koo Kiriisteenye walah laa argo iꞌdaasenyi etaas uur ikasoonugleysan, ꞌdooninti Waakh saggoh goytiis ikijirta?

1 Timooti 6:18

Haag on a yeeleene, haaggaas icho yeelaan ka la kamurre a yitaaheen. ꞌDooꞌdi uurnugleel ka walah diibo a yitaaheene, wihi icho khabaan la ꞌdooꞌd a leegismeen.

Luuka 18:22

Chirri Yeesso waha daage ka wihi us et iyidah, “At uliba wohoo kaldaye kaankhan. Nyaame wihi at khabto tuumman ororiche, chilimme la miskiin siiche, kamurroonki goobi Waakh ꞌhele, ꞌdee kaale isooraah.”

1 Yoohana 4:20

Chiꞌ etoo, “An Waakh a ꞌdoona,” essi, iꞌdaasenyi etoo addane koo Kiriistee nihib, etaas beene leeyahe. Iꞌdi tahe eti tuummane etoo koo Kiriisteenye us arge iꞌdoonin, Waakkhi us iargin ꞌdoonin ma yabuuꞌd.

Yaakoobo 1:27

Jitaas inno Waakkhi Aabbaheene mujjum karaahno us khaatti uruftoo rucchul laka ikhabine toro wohoo ikaankhaneynan, a ki nyaakhuti abar ichoow ooyo laa ichoow muunkhoyyo sinayyohicho ka mujjum lawoywoyo. Toro la wahanyeyyohi harratane sussuujenye enenyet biꞌdirroocho islakalaabo.

Luuka 11:41

Iꞌdaasenyi gololi baakhuul goya kijiro miskiin siicha ꞌdee walah tuumman ka biꞌdir a bahtaanee.

Mattaayo 25:40

“Karnat la wihi us ilaabo, ‘Rume atin icheeka, wihi atin ꞌdooꞌda irummeeste wohoo liikoogeynan iyeesseen, a iꞌdoo atin ani iyeesseen.’

Ibiraaniya 6:10

Waakh wihi imale on yeela. Usu wihi atin yeessaan ma kadabo, ommos ꞌdooninti atin usu tusatteen ma kadabo. ꞌDooninta la mehe lakaarga ya, gargaari atin ꞌdooꞌdi Waakh gargaarteene, uliba laka atin gargaartaan.

Hilassi Ergaano 10:31

Wihi us iyidah, ‘Korneeliyo, Waakh weysihaah a daage, toro wihi at miskiino siisso a arge.

Hilassi Ergaano 10:4

Korneeliyo iche roorro ka indo katoolliche, wihi us worsate, “A mehe Kamur?” Herti Waakh wihi iche ilaabte, “Waakh weysihaah a daage, wihi at miskiino siisso la a arge, kaasooꞌhele.

Hilassi Ergaano 10:2

Usu ichoow minkiis tuumman kol tuumman wihi Waakh kahamaadicho yeeleene, toro la Waakh a karooraan. Us ꞌdooꞌdi Yaꞌhuude miskiine weyti gargaare, toro kol tuumman Waakhe wahta.

Yoohana 13:29

Yuuda gon chilimme khucchaa, abatti gaasoo kol Yeesso Yuuda ergate, wihi icho daaw ka ꞌdoonaan, “Soogat,” iyidahye, ommos us, “Wohoo miskiin sii,” iyidahye koogyahiin.

Luuka 19:8

Iꞌdaasenyi Sakkaayo tolossate wihi us Kamur iyidah, “Kamur, yey! Wihi an khabo tuumman seleye goocha nyuusicho miskiin siicha. Chirri goorat an etoo ekkeesde wohoo kakhaate la, wihi goorat an kakhaate kol affartichooda ilaaba.”

Efeesso 4:28

Eti goorat hatto kaassohti, hatto a ꞌdiicho, hil a haaggicho, wohoo khumman a yeelo ꞌdee eti intiis gaabantahe wihi us leegismo a khabo.

1 Timooti 6:17

ꞌDooꞌdi weyꞌdane kamurree amurreta ibihi. Rannyaat akhabina ommos hoolahi harratane dowwa on kuto khajjeel akakhabina, iꞌdaasenyi Waakkhi wihi inno ꞌdoonno tuumman inno siicho ꞌdee inno jiroti hamaad khabto jirro kakhuufa.

Yaakoobo 2:14

ꞌDooꞌd Kiriistokaaw, chiꞌ etoo, Yeesso a kakhuufa essi, iꞌdaasenyi wihi us yeelo usu rumanka Yeesso kakhuufe itusin, haaggoh ibahta? Kakhuufnaanki iꞌdaase usu ribaayi?