Luuka 24:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Inta ma kijiro, omoot a kasookahe. Wihi goorat maanti us Gaalilaaya kajiro us atin iidah kasooꞌhela.

Luuka 24:6 Referans Kwoze

Luuka 9:22

Toro wihi us iyidah, “Ínam Aadam sinati buurenye latusa, ewweenki Yaꞌhuud ichoow kuhaaniyyohi wewween ichoow tagaammeti amurre usu ꞌdiiꞌdaane, layagiise ibeenki seyyahnaatteet ka omoot lakasookahcha.”

Marko 8:31

Yeesso ꞌdeerka abattitiis wihi Waakh gooche abinnaan sookhabte. Waha la a saggi Ínam Aadam sinati buure liituso, ewweenki Yaꞌhuud ichoow kuhaaniyyohi wewween ichoow tagaammeti amurre usu iꞌdiiꞌdaane, liiyagiise, chirri maan seyyahe kutte us omoot ikasookaho.

Mattaayo 28:6

Inta ma kijiro, iꞌdi goorat us yidah u, omoot a kasookahe. Kaaleya, inti goorat us jiife yeya.

Luuka 9:44

“Taba waha an atin isooadeeh mujjum nabah isuda! Ínam Aadam dowwanoha ka ꞌdube lagoocha, dahanohi enenyet lagessa.”

Mattaayo 27:63

Wihi icho yidaaheen, “Eti weenoow, wihi etaas ekkeysi leh geeddi us noolyahe yidah a kasooꞌhella. Us mehe yidah ya, ‘Chirri maan seyyahe kutte, omoot a kasookaha.’

Mattaayo 16:21

Uuꞌ maalinkaas, Yeesso abattitiis saggi Waakh igooche us ilkerengeetti weene Yeerusaleeme iirti, ewweenki Yaꞌhuud ichoow kuhaaniyyohi wewween ichoow tagaammeti amurre dahanohicho ka sinati buure liituso, liiyagiise, ibeenki seyyahnaatteet ka omoot liikasookahcho ibabbakkaahiche.

Mattaayo 12:40

A mehe Yoona maan seyyah ibeenkiche khabto uuri bahaggoo buurenye goya kajire. Ínam Aadam laka saggaase maan seyyah hawwaal ikabarya.

Marko 16:6

Ulla wihi us iyidah, “Anahina! Yeessohi Naasarete goorat massalaaba lakakaahe iche yowattaan. Omoot a kasookahe, inta ma kijiro! Meessi icho kareecheen yeya.

Luuka 24:5

Deyyeho nahtim ka foolassicho ka il yeyte. Iꞌdaasenyi reeri kootte lammee wihi us iyidah, “A iꞌdoh eti jiro ꞌdooꞌdi tuume goya ikayowattaan?

Luuka 24:34

wihi icho iyidaaheen, “Kamur rumanka omoot ka a sookahe! Ulla Siimon a isoobahe!”

Hilassi Ergaano 2:24

Iꞌdaasenyi Waakh usu omoot a kasookahche, bolokkhi omooteet kasoofure, a mehe omoote usu jeyin ma tabuuꞌd.

2 'Dessaloonika 2:5

Maanti an atin leejire, an waha a atin isoocheeke. Ma kasooꞌhessaan a?