Luuka 24:44 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁴ Ulla wihi us iyidah, “Waha dakkhan a wihi maanti goorat an atin leejiro an atin icheeke, wihi tuummane ani imiinsane Chiirnaanneti Amurre ichoow ti ꞌdooꞌdi Waákh íyeyyeedo ichoow ti buuggi Sabuur lakachiire a labuuhicha.”

Luuka 24:44 Referans Kwoze

Hilassi Ergaano 13:33

innohi nyaakhutichee, Yeessohi us omoot kasookahche ka inno ibuuhiche. Iꞌdi aritti lammaatteete buuggi Sabuur ka liichiiruu, “ ‘At a Weelaaya, maalinka an Aabbahaahha itah.’

Luuka 9:22

Toro wihi us iyidah, “Ínam Aadam sinati buurenye latusa, ewweenki Yaꞌhuud ichoow kuhaaniyyohi wewween ichoow tagaammeti amurre usu ꞌdiiꞌdaane, layagiise ibeenki seyyahnaatteet ka omoot lakasookahcha.”

Bakkaahit 19:10

An la hertaas Waakh orche ka jilbo il kaguꞌdde, wahan leheet. Iꞌdaasenyi wihi iche itidah “Tabe iꞌdaas ayeelin! Annaka iꞌdi ilbooyyeti wahalhaahenye toro wahalhi ꞌdooꞌdi Kiriisto rummeeste runti Yeesso babbakkaahiche raaho u, Waakh on ifala. Waakh kalday on waho! A mehe runti Yeesso soobabbakkaahiche, a miigti farniinki Waakh lakacheeko.”

Ibiraaniya 10:1

Amurre Muusa a oosinti wihi haaggane soosohti one, wihi rummaat mee. Amurretaas ka soorriyoyyo a wihi guꞌhi soomaro tuumman ka liinonnokhti lahaaggicho. Iꞌdaasenyi soorriyoyyoha ꞌdooꞌdi Waakh kawahti ꞌdooꞌdi eloo rucchul laka ikhabin ma kayeelaan.

Yoohana 5:46

Chirri atin yeed Muusa rummeysatteen, ani laka kootte a irummeysattaan. A mehe Muusa wihi ani imiinsan on chiire.

Ibiraaniya 9:8

Rubeyti Munyee la waha tuumman ka wihi iche mujjum inno abisso a mehe ya, jiti Meessi Weyti Lagan lakagelo, uliba ma lasoofurin geeddi eemati oraate harrata on tolosso.

Yoohana 5:39

Atin Chiirnaanneti Waakh a kamalattaan, kol atin jiroti jirtuu imassan kaꞌhessaane koogtahiinee. Chiirnaannetaas Waakh laka, woraaya kaayyeeda.

Yoohana 3:14

Saggi goorat Muusa hidaad ka toof iokkhichuu, saggaase Ínam Aadam laka liiokhicha,

Luuka 24:46

Ulla wihi us iyidah, “Wihi chiiran a waha. Ki Lasubhe sina loomhicha, ibeenki seyyahnaatteet ka omoot kasookaha.

Ibiraaniya 7:1

Eta Melkisedeek layadeeh, karnati ili Saleeme eheneete, toro la kuhaanihi Waakkhi Weyti Weene eheneet. Chirri Aburaaham ꞌdooꞌdiis khabaayi karnatohi ittaawe kaꞌhigtoote sooriche soonokhte ka, Melkisedeek or kadowe, iweeste.

Ibiraaniya 3:5

Muusa goorat iꞌdi ilbooy u, eti rumanka hili minki Waakh ka lakakhuufe eheete, ulla wihi Waakh berri sooyadeehe cheeke.

Hilassi Ergaano 7:37

“Muusaha a ki goorat ꞌdooꞌdi Issiraayel, ‘Waakh ꞌdee berri etiinkoo Waákh íyeyyeedo iꞌdeye a atin isooerga,’ iyidah.

Luuka 22:37

A mehe wihi chiiran, ‘Usu ꞌdooꞌdi Waakh daagiwwaaye goya lagate.’ Wihi an atin iadeeh la, waha ani liikabuuhicha. Aa, wihi ani imiinsane chiiran inti lakabuuhicho a eleelaan.”

Luuka 21:22

Iꞌdi tahe wahaas a ibeenneti Waakh enenyet jeenteti uskeeli us yeeluu sina tuso, wihi goorat Chiirnaanneti Waakh kachiiran labuuhicho.

Luuka 9:44

“Taba waha an atin isooadeeh mujjum nabah isuda! Ínam Aadam dowwanoha ka ꞌdube lagoocha, dahanohi enenyet lagessa.”

Mattaayo 26:56

Iꞌdaasenyi wahanyeyyoha a yitaaheene ꞌdee wihi ꞌdooꞌdi Waákh íyeyyeedo chiire labuuhicha.” ꞌDeerka abatti tuumman usu katabte firidde.

Mattaayo 26:54

Iꞌdaasenyi chirri an iꞌdaas yeele, saggoh ꞌdee wihi Chiirnaanneti Waakh kachiirane sooyateeh liibuuhicha?”

Mattaayo 16:21

Uuꞌ maalinkaas, Yeesso abattitiis saggi Waakh igooche us ilkerengeetti weene Yeerusaleeme iirti, ewweenki Yaꞌhuud ichoow kuhaaniyyohi wewween ichoow tagaammeti amurre dahanohicho ka sinati buure liituso, liiyagiise, ibeenki seyyahnaatteet ka omoot liikasookahcho ibabbakkaahiche.

1 Beetero 1:11

ꞌDooꞌda Waákh íyeyyeedo Rubey Kiriistoti goycho kijirto icho et ichoow maan tusso iche aban ꞌdooneen. Rubey Kiriisto la wahanyeyyoha saggi Kiriisto sina liikawaaricho yomboka liiweynaacho miinsan orey on cheekte.

Hilassi Ergaano 3:18

Iꞌdaasenyi Waakh saggane wihi us ꞌdooꞌdi Waákh íyeyyeedo tuumman orey cheeke ka ibuuhiche. Wihi icho orey cheekeen la a Lasubhehiiski sina lakawaaricho.

Marko 9:31

a mehe abattitiissa wohoo abchaa. Wihi us iyidah, “Ínam Aadam dowwanoha ka ꞌdube lagoocha, dahanohi enenyet lagessa yagiisiine, chirri maan seyyahe kutte ka omoot kasookaha.”

Mattaayo 1:22

Waha dakkhan a yitaaheene, ꞌdee wihi Kamur eti Waákh íyeyyeedo ka yidah labuuhicha,

Hilassi Ergaano 2:27

A mehe meessi ꞌdooꞌdi tuume kijiro goya ma ikatabto, ommos Falfataahti Munyee ma ꞌdiisso ma suusahto.

Hilassi Ergaano 13:40

Yuubsada giꞌde uus wihi goorat ꞌdooꞌdi Waákh íyeyyeedo yidah atin kiitaahane.