Luuka 24:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Waha ka ngꞌaayaani chirraas on et lamma darfohi iꞌdi ankhad u ababo khabto garabicho tolossateen.

Luuka 24:4 Referans Kwoze

Marko 16:5

Chiꞌicho goꞌd geleen ka, eti nugule anki miigeet fiddiyo darfohi daddakhan khabo argeene, naheen.

Hilassi Ergaano 1:10

Geedda us serey irti, sereye ꞌdeyꞌdoochaan. Chirraas on reeroo lammeenye darfohoo daddakhan khabo garabicho sootolossate.

Luuka 2:9

Hertoo Kamur la icho isoobahte, ababnaanki Kamur la il isooyage, intaas iifche. Ersimo dakkhan la weyti naheen.

Luuka 24:5

Deyyeho nahtim ka foolassicho ka il yeyte. Iꞌdaasenyi reeri kootte lammee wihi us iyidah, “A iꞌdoh eti jiro ꞌdooꞌdi tuume goya ikayowattaan?

Hilassi Ergaano 12:7

Koloo kalday on hertoo Kamur soobahte, minki ꞌdooꞌd lakahido banay kaababeen. Herti Waakh la Beetero barbar ꞌdaarte, “Dowwa sookah,” itidah. Chirraas on gaꞌdaarreti kootte Beetero dahano kahidan diddihte.

1 Timooti 3:16

Rumanka runti dagsaneete Waakh miinsane Waakh inno isoobabbakkaahiche a weentahe. Kiriisto harrata saggi weeli enenyete iyimiyye, Rubeyti Munyee la saggi us ifissanyahe enenyet tusse. Herti Waakh usu a agarte. Woriis yaafohi Yaꞌhuud ieheynan goyaka lacheeke, ꞌdooꞌdi ittaawenye harra usu rummeeste, goobi Waakh liikorche.