Luuka 23:41 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴¹ Lammateen jeenteti uskeeli inno yeelle on inno liiyagiis, iꞌdaasenyi us walah suujenye us yeele mele.”

Luuka 23:41 Referans Kwoze

1 Beetero 1:19

Iꞌdaasenyi diig Yeesso Kiriistoki lagane iꞌdi heleenki miꞌdabenye eloo rucchul laka ikhabine lagute.

Mattaayo 27:24

Chirri Bilaato saggi us wohoo iyeeline iꞌdaasenyi urur weyti iuskulaate il ibaabiicho arge ka, bicche on khaate, urur ortiis ka dahano dikhte. Wihi us yidah, “An eta wohoo rucchul laka iyeelin diiggiis ma gelo, khaata iꞌdi atin tadeehiin daha.”

Mattaayo 27:4

“An haꞌdaabe gele, a mehe an eta wohoo iyeeline atin ikeene, diiggiis gele,” yidah. Wihi icho ilaabeen, “Wahaas walah icho nah iyahiin mele! Ati on iꞌdi at tadeeh dah.”

Yaakoobo 4:7

ꞌDeerka Waakh afiis akutina. Seytaan iskahossa, ulla a atin kafirdaa.

Mattaayo 27:54

Chirri eti koobbintoo iskareet itoollo ichoow iskarti leejirte Yeesso yuubisso harrati sesseehto ichoow wihi tuummane yitah agarte ka, weyti nahte, “Rumanka usu Weeli Waakhe eheet,” tidah.

Mattaayo 27:19

Bilaato komborti enenyet lakahukkumo kafiddiyaayi, makhaabassiis farniin isooeregte, “Etaas uskeeloo iyeelin wohoo rucchul laka ayeeline, diiggiis agelin. Iꞌdi tahe ibeenkate issilloteey ka jeentetiis u weyti sina a ikawaartee,” itidah.

Luuka 23:40

Iꞌdaasenyi ki addan leejaakhe wihi us iyidah, “At Waakh ma karoorto? At laka iꞌdiis u omoote lakigooche.

Luuka 23:42

ꞌDeerka wihi us yidah, “Yeesso maanti at karnati dakhaah titah ikasooꞌhel.”

1 'Dessaloonika 2:10

Atin ichoow Waakh laka saggi nah atinhi Kiriisto rummeysatteen goyaka jiroti munyeenye, fissane toro la eloo rucchul laka ikhabin ijirre ka garteenyo a laabtaan.

1 Beetero 2:23

Us maanti laabaare laka abaar ma laabin. Maanti sina lakawaariche laka, ꞌdooꞌdi sina kawaariche ma itiftoonne, Waakkhi enenyet saggi mujjume ihukkumo on dahantiis isgesse.