Luuka 23:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Maantaka laajja on ka a ladoocho ꞌdee a laꞌdiicho a irti.”

Luuka 23:16 Referans Kwoze

Mattaayo 27:26

Bilaato ꞌdeerka Barraba icho isoofure. Iꞌdaasenyi amuri Yeesso lakadoocho toro massalaaba lakakaaho bahche.

Luuka 23:22

Bilaato toro koli seyyahnaatteet icho leeyeede, “A iꞌdoh? Eta suujoonkoh yeele? An wihi eta yeele omoot liikagoocho ma argo. Maantaka a lajaha one ꞌdee laꞌdiicha.”

Marko 15:15

Jeenteti us icho ihamaadin ꞌdoonuu, Bilaato Barraba icho isoofure, amuri Yeesso lakadoocho toro massalaaba lakakaaho bahche.

Hilassi Ergaano 16:37

Iꞌdaasenyi Baawulo wihi us iskar iyidah, “Chirri ꞌdooꞌdi Rooma nah liiekkaacho laka, icho ꞌdow on ka nah jaheene, toro jeela nah geecheen. Toollaka toro dagsi nah kabahchaan? Mele! Icho rubeycho a yimaateene, a nah bahcheen.”

Luuka 6:37

“Taba uurassiin goyaka enenyet ahukkumina uus Waakh atin hukkumine. Taba enenyet uskeele yeesseen iidowina, uus atin laka uskeele yeesseen atin liidaahane. Taba enenyet uskeel ikakuta, ꞌdee uskeeliin a atin liikakuto.