Luuka 2:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ Inkoo herti Waakh nokhatte serey ikorte ka, ersimo wihi icho isiyidaaheen, “Kaha bal ilkerengeetti Beꞌdeleheem a iranni waha yitahye Kamur inno isoocheeke a sooagarro.”

Luuka 2:15 Referans Kwoze

1 Beetero 3:22

Kiriisto la goobi Waakhe inokhte, Waakh dahantiisti miigeet orronte, herti Waakh tuumman ichoow wihi tuummane goobi Waakh ka anto ichoow miig leh ba afiis ma kutaan.

Luuka 24:51

Abatti iweestaayi, abatti katabe goobi Waakh liikorche.

Mattaayo 12:42

Ibeenki Waakh ꞌdooꞌd hukkumo la makhaabassi karnatenye ili Cheeba a kahta ꞌdooꞌdi iꞌdee uskeel igoossa. A mehe iche goorat harra ginꞌdohicheeda katimiyye kharati karnati Soolomon layadeeh khabe dagansatte, toolla la etoo Soolomon laka kaween kallaay.

Luuka 2:14

“Waakkhi saraat a lasaaꞌdo. ꞌDooꞌdi harrata ka Waakh kahamaado la nebey a lakakaalo!”

Luuka 2:16

Ersimo ꞌdeerka dowwa on irteene, Maariya ichoow Yuussuf ꞌheleene, weeli ꞌdar goya jiifo la argeen.