Luuka 19:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Chirri Yeesso geey isoodowwaate ka, serey yeye wihi us yidah, “Sakkaayo, toolla kofche sooyeg. Iꞌdi tahe wihi massan, an maalinka minkaahha fiddiya.”

Luuka 19:5 Referans Kwoze

Bakkaahit 3:20

An kalla! Ani min khariissa toolla, atin waha. Chiꞌ etoo hooyeey daage, min isoogesse, an a soogela, lammateenyo isleegolossanna.

Yoohana 14:23

Yeesso la wihi us ilaabe, “Eti tuummane iꞌdoono, wihi an abcho a raaha. Aabbaheey usu a ꞌdoona. Aabbaheey ichoow ani usu a inamiite fureenyo goytiis kayeelanna.

Ibiraaniya 13:2

Goobassiin ka, ꞌdooꞌdi atin igaranne atin martiisattaan laka kasooꞌhela. A mehe ꞌdooꞌdoo saggaas on u garrawwaayyo ka herti Waakh a martiiste.

Yoohana 1:48

Naꞌdaanayel la wihi us worsate, “At saggoh ani igaratta?” Yeesso wihi us ilaabe, “Geeddi Fiilif kiwahin, atihi geeyi fiig iliis fiddiito iche kiarge.”

Efeesso 3:17

ꞌdee Kiriisto kakhuufnaanki atin usu kakhuuftaan ka uurassiin goyaka fur yeessa. Toro la Waakhe daaha, ꞌdooninti atin Waakh ichoow enenyet ꞌdoontaan ka miigowtaane toro mujjum tolossattaane,

Luuka 19:10

A mehe Ínam Aadam a yimiyye ꞌdooꞌdi baabe yowta, riba.”

2 Koriinto 6:1

Nah a ꞌdooꞌdi Waakh hil leehaaggicho gone, a atin hawwaassanne, taba haaggi Waakhe buure wihi ilmarhaatteet iikhaatina.

Luuka 19:2

Etoo Sakkaayo layadeeh laka intaas a kijira. Ulla ꞌdooꞌdi kooddi goocho iweenyahe, toro la kamure eheet.

Luuka 19:4

ꞌDeerka ꞌdooꞌd ortiis nyaame, geeyoo deer kore, Yeesso argin ꞌdoonaa. Yeesso la intaase leeyamiit.

Luuka 19:6

Sakkaayo la chirraakka dowwa geey kasooyage, Yeesso hamaad ka khaate goobiis ka martiiste.