Luuka 19:44 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁴ Chiiye la atin ichoow nyaakhutiin dakkhamba a atin bakkissa, toro la dagahti ilkerengeet kamarsan tuumman jejjebissa. Daakkoo kaldaye meessiis fuulo laka ma katabto. Iꞌdi tahe atin maanti Waakh ribnaan atin yimiy ma kasin!”

Luuka 19:44 Referans Kwoze

Luuka 21:6

“Waha atin inta ka agartaan la, berri daddaabtoo kaldaye ti addan fuusso lakatabo ma jirto, icho tuumman a lasookhuba.”

1 Beetero 2:12

ꞌDooꞌdi Waakh igaran goyaka jiroti haaggan jira, ꞌdee koli icho suujoonkoo atin kacheektaan tuumman, jeenteti icho haaggi atin yeessaan ifiirichaan u, Waakh a koolicheen maanti us yamiit.

Luuka 19:42

wihi us yidah, “ꞌDooꞌdi ilkerengeetti weene Yeerusaleem, incheenka kootte maalinka jiti nebey lakaꞌhelo a abattaan. Iꞌdaasenyi toolla a atin lakadagche!

Luuka 1:68

“Kamuri Waakkhi Issiraayele a lasaaꞌdo! Iꞌdi tahe us ꞌdooꞌdiis a soofure.

Mattaayo 24:2

Ulla wihi us iyidah, “Wahanyeyyoha tuumman yeya! Rume atin icheeka, berri daddaabtoo kaldaye ti addan fuusso lakatabo mele, icho tuumman a lasookhuba.”

Luuka 1:78

A mehe, Waakkheen uure nugulyahe toro a haagganyahe. Kamureen ꞌdooꞌdiis a riba, banayhiis la iꞌdi orrahti baryo sookortuu inno siicha,

Marko 13:2

Yeesso wihi us ilaabe, “Minassa tuummane burbuure yeya! Berri daddaabtoo kaldaye ti addan fuusso lakatabo mele. Icho tuumman a lasookhuba.”