Luuka 19:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ ꞌDeerka bowꞌdayyohiiskoo tomone wahe, hiinaan tomon chilimme dahan gesse. Hiinaan ba chilim kudoo ꞌdahabe kijira. Wihi us iyidah, ‘Ebba hiinaankiis a kabacchaarti ichoowka a soonokhdi.’

Luuka 19:13 Referans Kwoze

Yoohana 12:26

Eti tuummane falfateey itaahan ꞌdoono, ani isooraaha. Meelbaaw an irdi ka ileejira. Aabbaheey la eti tuummane hileey haaggicho, usú a weynaacha.

2 Beetero 1:1

Khadaaba eti atin isoochiiro a ani, Siimonhi Beetero layadeeh. Ani la a falfa ichoow ergaano Yeesso Kiriisto. ꞌDooꞌdi an isoochiiro la a ꞌdooꞌdi fissanoonki Waakh ichoow koo Yeesso Kiriistohi ꞌDoorribeheene ka iꞌdenyuu rumanka kakhuufnaanki Yeesso Kiriisto lakakhuufo ꞌhele.

Yaakoobo 1:1

Khadaaba eti atin isoochiiro, a ani Yaakoobo. Anna a bowꞌdati Waakh ichoow bowꞌda Yeesso Kiriistohi Kamureene. ꞌDooꞌdi an isoochiiro la a ꞌdooꞌd Kiriistoki yaafohi tomon ichoow lammeenye Issiraayelenye harra tuumman kataasan. Nebeeheyte?

Galaatiya 1:10

An weeli enenyete kahamaadin ꞌdoona? Mele! An Waakhe kahamaadin ꞌdoona. Chaꞌan uliba enenyet kahamaadin ꞌdoono, an toolla bowꞌda Kiriisto mee.

Mattaayo 25:16

Ki ugar chan chilimme dahan lagesse, chilimmetaas khaate hil kahaagsate, ugar chan addan kaꞌhele.

Mattaayo 25:20

Ki ugar chan chilimme ꞌhele, wihi addane chane sookhaate, wihi us yidah, ‘Kamur, at ugar chan chilimme dahan isoogelisse. Yey, chan addane ꞌhele.’

Mattaayo 25:22

“Ki ugar lamma chilimme khabe laka yimiyye, wihi us yidah, ‘Kamur at ugar lamma chilimme dahanteey soogelisse. Yey, lamma addane ꞌhele.’

Mattaayo 25:24

“Yomboka ki ugartoo kaldaye chilimme khabe yimiyye, wihi us yidah, ‘Kamur, an saggi at bacchaara ka uur idaayantahe a garda. Inti at ilmo il ikagelinne gurnaan kayowatta, inti at ilmo il ikataaꞌhin la golol kayowatta.

Luuka 19:12

Wihi us yidah, “Etoo gooboo magah khabo iloo fogaate irte, ꞌdee antohi us ilaas kadakhti ꞌhela toro soonokhta.

Luuka 19:14

“Iꞌdaasenyi ꞌdooꞌdi ilaas weyti eta ꞌdiiꞌde. Inkoo us irte ka ꞌdooꞌdoo ergeene, ‘Eta usuhi karnateenyo lakayeelo ma ꞌdoonno’ yidaaheen.