Luuka 16:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ “Wihi us ilaabe, ‘A gaꞌdaar kudoo subakki geeyi oolif.’ “Ilbooyi ween la wihi us iyidah, ‘Dowwa orrommo buuggaahki mogeet ka tomon chan on chiire ꞌdee geeddaas on soogut.’

Luuka 16:6 Referans Kwoze

Tiito 2:10

Toro la bowꞌdayyo iicho kamurreticho hatin. Iꞌdaasenyi ꞌdooꞌdi tuum lakakhuufo a eheetti. Iꞌda ka walahbaaw icho yeelaan ka, yeedi wori rummaate Waakkhi ꞌDoorribeheene kayamiit saaꞌdo ikeenaan.

Luuka 16:12

Chirri goorat hoolahi etoo ka atin liikakhuufin la, ayyo hoolahi wihiine atin siicha?

Luuka 16:9

Wihi an atin isoocheeko, hoolahiinki harrata aalal kabahsada ꞌdee maanti kamurroonkiin massate ka goobi Waakhe jirtuu imassan ka a atin lamartiisti.

Mattaayo 20:8

“Chirri il gelebnowe ka, eti gos leh falfatiisti ween wahe wihi us iyidah, ‘Nyaame ꞌdooꞌdi hil haaggiche wahe, gut. Koloo la reeri an yomboka kireesde kasookhabo ichoowka ki an orey kireesde eleeli.’

Luuka 16:5

“Ulla ꞌdeerka kahe, ꞌdooꞌdi mogti kamuriis khabo tuumman wahe. Eti oraat wihi us worsate, ‘At kamureey mogti at kakhabto a geeddoh?’

Luuka 16:7

“Ki lammaatteet toro worsate wihi us worsate, ‘At la mogti at khabto a geeddoh?’ “Et la wihi us ilaabe, ‘A ugar kudoo ꞌdargaayye.’ “Wihi us iyidah, ‘Buuggaahki mogeet ka tomon siyyeet on kayeel.’

Yoohana 2:6

ꞌDiraammetoo lihenye burbuurenye dagaheete bicche lakachibo yaafohi Yaꞌhuud hugumme ka kadikhatti intaas a kajireen. Kooba la bicchehi geeddi litta tomon siyyeet ichoowka litta kudoo ichoow tomon lamma iche khaata.