Luuka 15:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Wihi an atin icheeko, saggaase herti Waakh ihamaadda chirri etoo kalday uskeeliis kasoonokhte.”

Luuka 15:10 Referans Kwoze

Luuka 15:7

Wihi an atin iadeeh, saggaas on u, goobi Waakh ka hamaadi buurenye jira jeenteti etoo kaldaye uskeeliis kasoonokhtuu. Hamaadi eta khabo hamaadi et tomon saagaal ichoow et saagaal fiffissane uskeelicho ikasoonokhan weyti kussanyahe.

2 Koriinto 7:10

A mehe oytinti enenyet saggi Waakh iꞌdoono iooyo wihi iche desso a uskeeli lakasoonokhti ribnaanki Waakh enenyet ribo iwoyo. Wahaas ka la et ejer istowo mele. Iꞌdaasenyi oytinti saggi ꞌdooꞌdi harrata liiooyo omoot on dessa.

Luuka 13:5

Mele! Wihi an atin icheeko, atin laka chirri atin uskeeliin ikasoonokhan, atin tuumman laka a tuuntaan.”

Mattaayo 18:14

Aabbaheeyki serey jiro laka saggaas u, nyaakhuta rurrucchul ichehi koo kalday laka baabo ma ꞌdoono.

Ibiraaniya 1:14

Herti Waakh a meheey? Icho a rubeyohi Waakh ergati, ꞌdooꞌdi ribnaanki Waakh muꞌdan ihilo menya?

Hilassi Ergaano 11:18

Chirri icho waha daageen ka wihi Beetero yeele ꞌdiiꞌdin katabeene Waakh saaꞌdeen. Wihi icho yidaaheen, “Kola ꞌdeerka Waakh yaafohi Yaꞌhuud ieheynan laka uskeel a kasoolaabe, ꞌdee jiro ꞌhelaan.”

Luuka 7:47

Maantaka wihi an kiadeeh, makhaabassa uskeelicheki ittaawe a liikakute. A mehe ꞌdooninti buurenye itusatte. Iꞌdaasenyi eti uskeeloo rucchul liikakute ꞌdoonintoo rucchul on Waákh tusta.”

Mattaayo 18:10

Taba nyaakhuti rurrucchul aꞌdarraawina. Iꞌdi tahe wihi an atin iadeeh, herti Waakhe goobi Waakh ka icho yuubisso kol dakkhan goobi Waakh ka fool Aabbaheey a agarta.

Fiilemon 1:15

Kolossoo jeentetane geeddoo rucchul Oneesmo seley ibahteene, ꞌdee maanti us kisoonokhti jirtuu tuumman usu khabta.

Hilassi Ergaano 5:19

Iꞌdaasenyi ibeen ka, hertoo Kamur afafhi jeela furte, ergaano bihisse.

Mattaayo 10:32

“Eti tuummane ꞌdooꞌd ortiis ka saggi us keey iyahe cheeko, ani laka usu Aabbaheeyki goobi Waakh kijiro ortiis ka saggi us keey iyahe a cheeka.

Luuka 12:8

“Wihi an atin iadeeh, eti tuummane ꞌdooꞌd ortiis ka saggi us keey iyahe cheeko, Ínam Aadam laka herti Waakh ortiche ka, saggi us kiis iyahe a cheeka.

Luuka 12:9

Iꞌdaasenyi eti ꞌdooꞌd ortiis ka saggi us keey iyahe ꞌdiiꞌdo, herti Waakh ortiche ka a laꞌdiiꞌda.

Luuka 15:9

Chirri iche ꞌhesse la deyyehoti aalassichee ichoow ti ollokkichee tuumman wahta wihi iche itadeeh, ‘Kaaleya a isleehamaano, iꞌdi tahe an chilinkeeyki baabe a ꞌhele!’

Luuka 15:11

Yeesso yeed orey iwoye, “Makhaabaloo yeeletoo lammee khabo a jire.