Luuka 12:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Iꞌdaasenyi eti atin karoortaan a atin tusa. Ki inkoo us sar yigis antohi us meessi ꞌdabi armaanjireen kalugꞌdo khabo karoora. Aa a atin iadeehe, taba usu karoora.

Luuka 12:5 Referans Kwoze

2 Beetero 2:4

A mehe Waakh herti Waakhe goorat uskeel yeesse sina a omhiche, ankhari af laa goya kalugꞌde kaahhide. Intaase fiddiyaane ichoowka ibeenki Waakh enenyet hukkumo yateeh.

Mattaayo 10:28

ꞌDooꞌdi sar on yagiise iꞌdaasenyi rubey iꞌdoo iidaahan akaroorina. Waakkhi sar ichoow rubey ba baabiicho, meessi ꞌdabi armaanjireen kalugꞌdo karoora.

Bakkaahit 14:7

Iche la hooyi buure ka wihi iche tidah, “Taba, Waakh karoora, toro la saaꞌda! Iꞌdi tahe ibeenki Waakh weeli enenyet hukkumo a yitah. Waakkhi serey ichoow harra ichoow bey ichoow indohi biccheet ba soouume, wahda.”

Ibiraaniya 10:31

A roorroti weyti buure chirri Waakkhi rumanka jiro inno khabte.

Bakkaahit 20:14

Waakh ꞌdeerka omoot ichoow meessi omooteet ba beyti ꞌdab goya iseye. Beyta ꞌdab a omootti lammaatteet.

1 'Dessaloonika 4:6

Toro la etoo Kiriisto rummeeste jita ka iikhufine, ommos makhaabassiis aleeurꞌdin. Iꞌdi goorat nah atin inidahye nah atin itootoonnuu, Kamur eti tuummane uskeela yeele, moge kagutta.

Mattaayo 25:41

“ꞌDeerka wihi us ꞌdooꞌdi ankiiski gurro kijiro iyadeeh, ‘Nyaama ikataba, atinha falan, ꞌdabaas armaanjireene Waakh Seytaan ichoow herti Seytaan ba iyeele kachimmama.

Bakkaahit 15:4

Kamuroow ayyo ikaaroorine, magahaah ikoolin? A mehe ati kalday on munyee. Yaafohi harra tuumman a yamiitiine, toro ati kiwahtaan. Iꞌdi tahe wihi fissane at yeesso a soobabbakkaahisse.”

Mattaayo 5:22

Iꞌdaasenyi wihi an atin iadeeh, eti tuummane etoo keeye ihollowe, a lahukkuma. Toro la eti tuummane etoo keeye abaare Jaldaabti Weene Yaꞌhuude liikeena, hukkunta. Iꞌdaasenyi eti tuummane etoo addan, ‘ꞌDalanki marah,’ iyidah, a geeddi meessi ꞌdabi armaanjireen lakalugꞌdo.

Mattaayo 25:46

“ꞌDeerka ꞌdabi armaanjireene goya irtaane, iꞌdaasenyi ki fiffissan jiroti jirtuu imassanne ꞌhela.”

Marko 13:23

Isyaakhicha giꞌde! Walah dakkhan geeddi il ankhayyahe a atin isoocheekee.