Luuka 12:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ “Waha a wihi eti tuummane wihi harrata ka kamurenye, iꞌdaasenyi wihi Waakh ꞌdoono ka miskiine iyateeh.”

Luuka 12:21 Referans Kwoze

Yaakoobo 2:5

ꞌDooꞌd Kiriistokaaw, waha daaga bal, Waakh ꞌdooꞌdi harrata ka miskiin liiekkaacho ma soobahsanne, ꞌdee kakhuufnaanki icho Yeesso kakhuufaan ka Waakh icho kamurre ma iekkaanna? Toro la Waakh ꞌdooꞌda ma soobahsanne ꞌdee dakhi Waakhe Waakh ꞌdooꞌdi usu ꞌdoono iayyiche ma muꞌdan a?

Luuka 12:33

Wihi atin khabtaan ororicha, ꞌdee chilimme miskiin siicha. Urgohi chilimme jirtuu imassan isiyeela, kamurroonkiin goobi Waakh gessa, inti icho iꞌdaaru laka ikanuglaanne, liihatine, riirintoo rucchul laka ikaꞌdaarin gessa.

Bakkaahit 2:9

Sinati atin loomhicho ichoow miskiinkiin a garda. Iꞌdaasenyi atin a kamurre! Saggi ꞌdooꞌdoo Yaꞌhuud isyadeehe toro la Yaꞌhuud ieheynan suujoonki nool atin ikadowo a garda, iꞌdaasenyi icho a minki weysiite Yaꞌhuude Seytaan dakhti.

Rooma 2:5

Iꞌdaasenyi matahenyetiin a mimmiige toro la uurassiin ka uskeeli atin kasoonokhattaan a ꞌdiiꞌddaan. Jeentetaas u atin sinati berri ibeenki Waakh holiis atin tuso toro jiti rummaat ka enenyet hukkumo, a isibuuraassaan.

Luuka 16:11

Chirri ꞌdeerka goorat kamurroonki harrata ka atin liikaakhuufin, ayyo kamurroonki rummaat ka atin kakhuufa?

Luuka 6:24

“Iꞌdaasenyi atinhi toolla kamurree sinati atin sugto eenna a buure! Iꞌdi tahe haaggi harrata orey on uur atin khobooche.

2 Koriinto 6:10

Rubeyoheenyo a bolkhaane iꞌdaasenyi kol dakkhan a hamaana, a miskiino iꞌdaasenyi ꞌdooꞌdi buurenye kamurroonna. Walah weheenyee mele toro la walah tuumman a khabna.

1 Timooti 6:9

ꞌDooꞌdi kamurrowin ꞌdoono, kajmeti uskeel kaluguꞌddo ichoow angey ichoow wahanyeyyohi ꞌdalame liimoono ichoow suujoone kadihaan. Waha la icho a jiitaane ichoowka suujaachaane bar tiraan.