Luuka 12:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² A mehe Rubeyti Munyee chirraas wihi atin tadeehiin a atin abissa.”

Luuka 12:12 Referans Kwoze

Luuka 21:15

A mehe an yeedi atin tadeehiin ichoow khara a atin siicha, ꞌdee chiiytiin tuumman goyaka koo atin tirrimin yabuuꞌd mele ommos et runti atin cheekteen ꞌdiiꞌdo mele.

Mattaayo 10:20

A mehe atin mee yeyyeeddaan, iꞌdaasenyi Rubeyti Waakkhi Aabbahiinenye goytiin kasooyyeedda.

Hilassi Ergaano 4:8

ꞌDeerka Beeterohi Rubeyti Munyee buuhisse yeed laabe mehe yidah ya, “Makhaaballeti Yaꞌhuude wewweenoow ichoow ewweenki Yaꞌhuudoow,

Hilassi Ergaano 6:10

iꞌdaasenyi Isiteefano kharati Rubeyti Munyee siisse ka yeyyeede, eticho yeed ilaabin yabuuꞌd mele.

Hilassi Ergaano 7:55

Iꞌdaasenyi Isiteefanohi chirraas Rubeyti Munyee buuhto, goobi Waakh serey iyeye, Waakkhi ababo arge, Yeessohi Waakh anki dahantiisti miigeet toollo arge.

Mattaayo 10:19

Iꞌdaasenyi chirri icho atin khabteen, wihi atin tadeehiin ommos saggi atin itadeehiin akawaꞌdwaaꞌdina. Chirraas wihi atin tadeehiin a atin lasiicha.

Luuka 12:13

Etoo urur goyaka wihi us Yeesso iyidah, “Eti ween, walaaleey leeyeede dahal ileegisam idah.”