Luuka 12:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ “Chirri minassi weysiite Yaꞌhuud ommos weynaan ichoow ꞌdooꞌdi anto leh ortiis atin lakeeno ꞌdee atin lahukkumo, saggi atin isikaayyeeddaan ommos wihi atin sootadeehiin akawaꞌdwaaꞌdina.

Luuka 12:11 Referans Kwoze

Luuka 12:22

Yeesso ꞌdeerka wihi us abattitiis iyidah, “Maantaka wihi an atin iadeeh, jirotiin akawaꞌdwaaꞌdina, wihi atin tamhiin, ommos sartiin ka wihi atin gessattaan.

Mattaayo 23:34

Maantaka, ꞌdooꞌdi Waákh íyeyyeedo a atin isooerga, ꞌdooꞌdi kharayyee ichoow ꞌdooꞌdi jiti Waakh enenyet abcho a atin isooerga. Atin la gaasichekoo a tagiisiine, gaasoo laka massalaaba kakaahtaane, gaasoo laka minassiinki weysiite Yaꞌhuud ka jahtaane, gaasoo laka kolba ilkerengeettoo ka sina omhissaan.

Mattaayo 6:25

“Maantaka wihi an atin iadeeh, jirotiin akawaꞌdwaaꞌdina, wihi atin tamhiin ommos wihi atin dantaan, ommos sartiin ka wihi atin gessattaan. Jiro golol ma kussan a? Sare la gaad ma kussan a?

Mattaayo 6:27

Etiinkoo maanta waꞌdwaaꞌdi us waꞌdwaaꞌdo ka jirotiis sahaꞌddoo kalday kakhayaayi?

Mattaayo 6:28

“A iꞌdoh jeenteti gaadeet u waꞌdwaaꞌd ikhabtaan? Bal fiikhti bahto yeya. Hil iche haaggisso gaad isikayowatti mele.

Mattaayo 6:31

ꞌDeerka awaꞌdwaaꞌdina, ‘Mehe numhe?’ eelanna, ommos, ‘Mehe nubhaabe?’ eelanna, ommos ‘Mehe gessanni?’ eelanna.

Mattaayo 6:34

Maantaka wihi at saahta ꞌdoonto akawaꞌdwaaꞌdin. Iꞌdi tahe maane ba wihicheki lakawaꞌdwaaꞌdo a khabta. Walah at sinati ibeen ba keeno sinatoo addan ikakhayto mele.