Luuka 11:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ “ꞌDeerka wihi an atin iadeeh, Waakh wihi at ꞌdoonto daddaahe, a kisiicho. Wihi at ꞌdoonto Waakh kayoyyowo, a kaꞌhessaa. Waakh arit ifah idahe, ulla a kifaho.

Luuka 11:9 Referans Kwoze

Marko 11:24

Maantaka wihi an atin isoocheeko, walahbaaw atin weysi ka Waakh daahteen, saggi atin iꞌhesseen rummeesda, wahaas la a atin lasiichaa.

Mattaayo 21:22

Chirri atin Waakh rummeysattaan, walahbaaw atin weysi ka daahteen, a ꞌhessaan.”

Yoohana 15:16

Atin ani ma isoobahsan, iꞌdaasenyi ani atin soobahsade, toro hiloo atin korche, ꞌdee gurnaan bihissaan, gurnaanki fiddiyo bihissaan. ꞌDeerka jeenteti atin keey itahiin u, Aabbaheey wihi tuummane atin daahtaan, a atin siicha.

Yoohana 15:7

Chirri atin goyteey fiddiitaane, yeedeey la goytiin fiddiyo, wihi atin ꞌdoontaan tuumman Aabbaheey a daahtaane, ulla atin siicha.

Yoohana 14:13

Anna walahbaaw atin jeenteti atin keey itahiin u daahteen a atin iyeela, ꞌdee Weeli Waakh Aabbahiis weynaacha.

1 Yoohana 3:22

Waakh la walahbaaw inno daahne ka a inno siicha. A mehe inno amurretiis a raahna, toro la jiroti usu kahamaadisso jirra.

Yaakoobo 1:5

Iꞌdaasenyi chirri etiinkoo khara laayahe, Waakh a daaho Waakh la usu a siichaa. Iꞌdi tahe Waakh enenyet tuumman iꞌdaanu weyti walah siicha toro enenyet ma kofo.

Ibiraaniya 11:6

Et Waakh ikakhuufine Waakh kahamaadicho mele. Iꞌdi tahe eti Waakh wahan ꞌdoono tuumman, wihi lakaꞌdoono a usuhi saggi Waakh rumanka ijiro, toro us ꞌdooꞌdi usu yowti kalaꞌd iguto, rummeesti.

Yaakoobo 5:15

Weysihi saggi Waakh eta khannan isamaacho lakakhuufo la eti khannan a samaachaan. Kamur la etaas ilaali us kajiifo a kasookahcha. Chuꞌus uskeel yeele la, Kamur uskeel a ikakuta.

Ibiraaniya 4:16

Maantaka Waakkheenki haaggiiski buure inno tusti roorro laan kombortiisti antoot ortiis iranni giꞌde. Intaas ka maambaaw inno gargaar ꞌdoonno, us uure inno isoonugleesta toro haaggiiski buure inno siicha.

Yoohana 4:10

Yeesso wihi us iche ilaabe, “Wihi Waakh enenyet siin ꞌdoono garatte ka, ommos anihi bicche kidaaho eti an ahe garatte ka, kootte ati ani bicche idaahta, ani la bicchehi enenyet jiro keelo kisiicha.”

Mattaayo 6:29

Iꞌdaasenyi wihi an atin iadeeh, karnati goorat Soolomon layadeeh laka, kamurroonkiis tuumman khabaayi, gaaddiis geeddi fiikhta ma haaggan.

2 Koriinto 6:2

Iꞌdi tahe wihi us essi kallaayo, “Ibeenki mujjume nabah a atin isude, toro ibeenki an atin ribo a atin gargaare.” Dagansada giꞌde ibeenki mujjume a toolla, ibeenki Waakh atin ribo a maanta.

Marko 13:37

Wihi ani atin iadeeh an enenyet tuummane iadeehe, ‘Taba isyaakhicha!’”

Rooma 2:7

Waakh eti tuummane garrahsati haag on yeelo, jita ka la Waakkhi usu koolicho, inkaanyit tuso toro la jiroti ituumin siicho yowti, jiroti jirtuu imassanne siicha.

Mattaayo 21:31

“Yeelataas lammache, koh wihi aabbahicho yeela iyidah yeele?” Wihi icho ilaabeen, “Ki ween.” Yeesso chirraakka wihi us iyidah, “Rume atin icheeka, ꞌdooꞌdi inno ꞌdooꞌdi uskeel leh nadeehe, iꞌdi maanta ꞌdooꞌdi kooddi goocho ichoow malaayeyyee, icho ortiin dakhi Waakh gela.

Bakkaahit 2:24

Atinhi addane ilkerengeetti ꞌDiyaaꞌdira kajirtaane, wihi iche enenyet abisso iraahine, toro la wahanyeyyohi dagsane Seytaan iaban, hulees addane an atin korcho mele.

Luuka 11:10

Iꞌdi tahe eti tuummane walah daahe, Waakh wihi us daahe a siicha, ki walah yowti la, Waakh a kaꞌhela, ki ifaha yidah la, Waakh arit a ifaha.